(vovworld) - ວັນທີ 04/06, ຂໍ້ຕົກລົງເພີ່ມທະວີການຮ່ວມມືລະຫວ່າງກອງທັບອາກາດ ຫວຽດນາມ - ໄທ ເຊິ່ງກອງບັນຊາການປ້ອງກັນອາກາດ 2 ປະເທດໄດ້ເຫັນດີເປັນເອກະພາບໃນການເຈລະຈາ ເນື່ອງໃນໂອກາດການຢ້ຽມຢາມໄທ ເປັນເວລາ 4 ວັນຂອງກອງບັນຊາການກອງທັບອາກາດຫວຽດນາມ, ໂດຍພົນຕີ ເຟືອງມິງຮ່ວາ, ຜູ້ບັນຊາການທະຫານເຫຼົ່າທັບອາກາດຫວຽດນາມ ນຳໜ້າ. ທີ່ການເຈລະຈາລະຫວ່າງພົນຕີ ເຟືອງມິງຮ່ວາ ແລະ ຜູ້ບັນຊາການກອງທັບອາກາດໄທ ພຣະຈີນ ຈັນຕອງ, 2 ຝ່າຍໄດ້ເຫັນດີຈະແລກປ່ຽນຄະນະຜູ້ແທນຂັ້ນສຸງປະຈຳປີ, ເພີ່ມທະວີການຮ່ວມມືບຳລຸງສ້າງ, ແບ່ງປັນຂໍ້ມູນກ່ຽວກັບສະພາບການອຸຕຸນິຍົມ, ສົມທົບກັນໃນວຽກງານປ້ອງກັນ, ຕ້ານພະຍຸນ້ຳຖ້ວມ ແລະ ບັນຫາວິຊາການແພດການບິນ. ພົນຕີ ເຟືອງມິງຮ່ວາ ຢືນຢັນວ່າ ຫວຽດນາມ ແລະ ໄທ ພວມຕັ້ງໜ້າກະກຽມໃຫ້ແກ່ການຍົກການພົວພັນຂຶ້ນສູ່ລະດັບຄູ່ຮ່ວມມືຍຸດທະສາດ, ເປີດສັງກາດໃໝ່ໃຫ້ແກ່ການພົວພັນລະຫວ່າງ 2 ປະເທດ. ສ່ວນຜູ້ບັນຊາການກອງທັບອາກາດ ພຣະຈີນ ຈັນຕອງ ໃຫ້ຮູ້ວ່າ ສາຍພົວພັນອັນດີງາມໃນປະຈຸບັນ ພວມປະກອບສ່ວນເຮັດໃຫ້ປະຊາຊົນ 2 ປະເທດຫວຽດນາມ - ໄທ ເຂົ້າໃຈກັນກວ່າ, ພ້ອມທັງປະກອບສ່ວນເຂົ້າໃນການຮັກສາສະຖຽນລະພາບໃນພາກພື້ນ.