(vovworld) – ວັນທີ 18/2, ພົນເອກ ໂງຊວນລີກ, ຫົວໜ້າກົມໃຫຍ່ການເມືອງກອງທັບປະຊາຊົນ ຫວຽດນາມ ໄດ້ລົງຢ້ຽມຢາມໂຮງໝໍມິດຕະພາບ ຫວຽດນາມ - ເຢຍລະມັນ ເນື່ອງໃນໂອກາດສະເຫຼີມສະຫຼອງ 61 ປີແຫ່ງວັນທ່ານໝໍ ຫວຽດນາມ (27/2/1955 – 27/2/2016). ນະທີ່ນີ້, ພົນເອກ ໂງຊວນລີກ ໄດ້ສະແດງຄວາມເຄົາລົບນັບຖື, ຂອບອົກຂອບໃຈການປະກອບສ່ວນຂອງບັນດາທ່ານໝໍແຖວໜ້າ ພ້ອມກັບພະນັກງານ, ລັດຖະກອນໃນໂຮງໝໍຂອງການຊ່ວຍເຫຼືອປິ່ນປົວພະຍາດໃຫ້ປະຊາຊົນເວົ້າລວມ ແລະ ພະນັກງານຂັ້ນສູງຂອງກອງທັບປະຊາຊົນ ຫວຽດນາມ ເວົ້າສະເພາະ. ພົນເອກ ໂງຊວນລີກ ເຊື່ອໝັ້ນວ່າ: ໂຮງໝໍມິດຕະພາບ ຫວຽດນາມ - ເຢຍລະມົນ ສືບຕໍ່ພັດທະນາໃຫ້ກາຍເປັນບ່ອນຮາກຖານປິ່ນປົວພະຍາດ, ຄົ້ນຄ້ວາ ແລະ ບຳລຸງສ້າງທີ່ມີຄຸນນະພາບສູງຂອງຂະແໜງສາທາລະນະສຸກ ທົ່ວປະເທດ.