(vovworld) - ໂດຍສືບຕໍ່ການໄປປະຕິບັດງານຢູ່ຫາຍຟ່ອງ, ຕອນເຊົ້າວັນທີ 11/07, ທ່ານເລຂາທິການມໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸ໋ຈ້ອງ ໄດ້ມີການເຮັດວຽກກັບພະນັກງານຫຼັກແຫຼ່ງຂອງນະຄອນ. ກ່າວຄຳເຫັນທີ່ການເຮັດວຽກ, ທ່ານເລຂາທິການໃຫຍ່ ຫງວຽນຟຸ໋ຈ້ອງ ເນັ້ນໜັກວ່າ ຫາຍຟ່ອງ ມີບົດບາດ, ທີ່ຕັ້ງ, ຈຸດພິເສດ, ທີ່ຕັ້ງສຳຄັນ, ແມ່ນໃຈກາງພັດທະນາເສດຖະກິດ, ສັງຄົມຂອງເຂດ ແລະ ປະເທດ, ແມ່ນນະຄອນມີລະດັບເຕີບໂຕໃນເຂດເສດຖະກິດຈຸດສຸມຂອງພາກເໜືອ. ດ້ວຍແງ່ຫວັງທີ່ດີ ແລະ ຄາດໝາຍທີ່ຈະແຈ້ງ ແລະ ມີຫຼາຍບົດຮຽນໃນການພັດທະນາ ແຕ່ຫາຍຟ່ອງ ຍັງບໍ່ທັດພັດທະນາຢ່າງເໝາະສົມກັບຄວາມສາມາດບົນຊ້ອນ, ທ່າແຮງ, ຄວາມສາມາດແກ່ງແຍ້ງ, ການແຜ່ຂະຫຍາຍຍັງອ່ອນຢູ່, ບໍ່ທັນມີບາດກ້າວບຸກທະລຸ. ທ່ານເລຂາທິການໃຫຍ່ຫວັງວ່າ ຫາຍຟ່ອງ ສືບຕໍ່ພັດທະນາຢ່າງໝັ້ນຄົງກວ່າອີກ ແລະ ມີກຳລັງແຜ່ຂະຫຍາຍດີກວ່າອີກ, ຕັດສິນໃຈສູ້ຊົນເພື່ອຮອດປີ 2015 ຈະກາຍເປັນນະຄອນອຸດສາຫະກຳ ແລະ ບໍລິການໂດຍພື້ນຖານ ຕາມທິດສີວິໄລ, ທັນສະໄໝ, ນຳໜ້າໃນທົ່ວປະເທດ. ຖ້າຢາກເຮັດໄດ້ຄືແນວນັ້ນ, ຫາຍຟ່ອງຕ້ອງຊາບຊືມບັນດາທັດສະນະ, ແນວຄິດຊີ້ນຳຢ່າງເລິກເຊິ່ງກວ່າ ຕາມຈິດໃຈບັນດາມະຕິຂອງສູນກາງ, ກົມການເມືອງ, ແຕ່ຈາກນັ້ນນຳໃຊ້ຢ່າງມີຫົວຄິດປະດິດສ້າງໃນບັນດາໂຄງການ, ແຜນການເຄື່ອນໄຫວລະອຽດ. ຄຽງຂ້າງນັ້ນ, ຕ້ອງປ່ຽນໃໝ່ຈີນຕະນາການກ່ຽວກັບການລົງທຶນພັດທະນາ, ພັດທະນາດ້ວຍກຳລັງພາຍໃນຂອງຕົນ. ລະດົມກຳລັງແຮງສັງລວມເພື່ອພັດທະນາ, ໃນນັ້ນມີການລົງທຶນຈາກຕ່າງປະເທດ.
“ນະຄອນຫາຍຟ່ອງ ຄວນສືບຕໍ່ເຮັດວຽກງານວາງແຜນກຳນົດໃຫ້ດີ ເພາະວ່າສະພາບການເຄີຍມີການຫັນປ່ຽນ. ຄວາມເຫັນກ່ຽວກັບການຮ່ວມສຳພັນລະຫວ່າງຂະແໜງແມ່ນຖືກຕ້ອງ. ຖ້າຫາກພວກເຮົາເຮັດແຕ່ຜູ້ດຽວ ແມ່ນບໍ່ສາມາດເຮັດໄດ້. ສິ່ງດັ່ງກ່າວຮຽກຮ້ອງໃຫ້ມີການຊີ້ນຳຂອງສູນກາງ, ສູນກາງໄດ້ມີມະຕິ 54 ກ່ຽວກັບການພັດທະນາເຂດທົ່ງພຽງແມ່ນ້ຳແດງແລ້ວ, ບໍ່ພຽງແຕ່ມີມະຕິສະເພາະກ່ຽວກັບຫາຍຟ່ອງ ຫຼື ຮ່າໂນ້ຍ. ບັນຫາທີ່ມີຄວາມສຳຄັນໜຶ່ງອີກນັ້ນແມ່ນການບຳລຸງສ້າງແຫຼ່ງຊັບພະຍາກອນມະນຸດ. ນີ້ແມ່ນຂອດບຸກທະລຸຍຸດທະສາດ. ພວກສະຫາຍຕ້ອງເອົາໃຈໃສ່“