ອົງການພະລັງງານປະລະມານູສາກົນ ກວດກາຮາກຖານນິວເຄຼຍແຫ່ງທີ 2 ຂອງ ອີຣານ
(VOVWORLD) -ອົງການພະລັງງານປະລະມານູສາກົນ (IAEA) ໃຫ້ຮູ້ວ່າ ໄດ້ໄປກວດກາຮາກຖານນິວເຄຼຍແຫ່ງທີ 2 ເຊິ່ງເປັນໜຶ່ງໃນ 2 ຮາກຖານນິວເຄຼຍປິດລັບທີ່ຖືກສົງໄສຢູ່ ອີຣານ.
 ຮາກຖານນິວເຄຼຍຢູ່ ອີຣານ (ພາບ: IRNA/TTXVN) |
ວັນທີ 30 ກັນຍາ, ອົງການພະລັງງານປະລະມານູສາກົນ (IAEA) ໃຫ້ຮູ້ວ່າ ໄດ້ໄປກວດກາຮາກຖານນິວເຄຼຍແຫ່ງທີ 2 ເຊິ່ງເປັນໜຶ່ງໃນ 2 ຮາກຖານນິວເຄຼຍປິດລັບທີ່ຖືກສົງໄສຢູ່ ອີຣານ ຖືກຕ້ອງຕາມຂໍ້ຕົກລົງລະຫວ່າງອົງການນີ້ ກັບ ເຕເຮຣານ ທີ່ບັນລຸໄດ້ເມື່ອເດືອນແລ້ວນີ້ ເພື່ອແນໃສ່ແກ້ໄຂສະພາບການຈົນຕາແຈໃນບັນດາການເຈລະຈາກ່ຽວກັບການສຳຜັດກັບຮາກຖານດັ່ງກ່າວ.
ໃນຖະແຫຼງການສະບັບໜຶ່ງ, ອົງການ IAEA ເນັ້ນໜັກວ່າ ເນື້ອໃນສ່ວນໜຶ່ງຂອງຂໍ້ຕົກລົງ ກັບ ອີຣານ ແມ່ນເພື່ອແກ້ໄຂບັນດາບັນຫາປະຕິບັດຄວາມປອດໄພ ເຊິ່ງອົງການ IAEA ໄດ້ກຳນົດໄວ້.