ການນຳຄະນະກຳມະການແຂວງ, ການນຳບັນດາພະແນກ, ຂະແໜງການພ້ອມກັບຄະນະປະຕິບັດງານຖ່າຍຮູບເປັນທີ່ລະນຶກ (ພາບ: yenbai.gov.vn)

ທີ່ການເຮັດວຽກ, ທ່ານ ຫງວຽນເທ໊ເຟືອກ, ຮອງປະທານຜູ້ປະຈຳການຄະນະກຳມະການປະຊາຊົນແຂວງ ອຽນບ໊າຍ ໃຫ້ຮູ້ວ່າ: ມາຮອດປັດຈຸບັນ, ອຽນບ໊າຍ ມີກ່ວາ 500 ສະຫະກອນ ແລະ ກ່ວາ 4000 ກຸ່ມຮ່ວມມື, ທີ່ໄດ້ສ້າງວຽກເຮັດງານທຳໃຫ້ແກ່ຜູ້ອອກແຮງງານນັບໝື່ນຄົນ ຢູ່ທ້ອງຖິ່ນ. ເຖິງຢ່າງໃດກໍ່ຕາມ, ການເຄື່ອນໄຫວຂອງ ບັນດາສະຫະກອນໃນບໍລິເວນ ຍັງປະສົບກັບຄວາມຫຍຸ້ງຍາກຫຼາຍຢ່າງ, ຂອບຂະໜາດນ້ອຍ, ກຳລັງຄວາມສາມາດຕ່ຳ, ລະດັບການບໍລິຫານຍັງບໍ່ທັນສາມາດຕອບສະໜອງໄດ້ຕາມຄວາມຮຽກຮ້ອງ. ດັ່ງນັ້ນ, ໃນໄລຍະຈະມາເຖິງ, ແຂວງອຽນບ໊າຍ ມີຄວາມຫວັງຢາກໃຫ້ ສະຫະພັນສະຫະກອນ ຫວຽດນາມ ແລະ ILO ເອົາໃຈໃສ່ສ້າງເງື່ອນໄຂຊ່ວຍເຫຼືອແຂວງ ໃນວຽກງານບຳລຸງສ້າງ, ຍົກສູງກຳລັງຄວາມສາມາດ ໃຫ້ແກ່ຖັນແຖວພະນັກງານຄຸ້ມຄອງບໍລິຫານ… ປະກອບສ່ວນເຂົ້າໃນການພັດທະນາເສດຖະກິດ - ສັງຄົມຂອງແຂວງ.

        ທ່ານ ຫງວຽນງອກບ໋າວ ປະທານສະຫະພັນສະຫະກອນ ຫວຽດນາມ ແລະ ທ່ານ Chang Hee Lee ຜູ້ອຳນວຍການ ILO ປະຈຳ ຫວຽດນາມ ໃຫ້ຮູ້ວ່າ ຈະຄົ້ນຄ້ວາການໜູນຊ່ວຍພັດທະນາບັນດາສະຫະກອນໃນໄລຍະຈະມາເຖິງ, ພິເສດແມ່ນໃນເຂດຊົນນະບົດ ແລະ ບັນດາແຂວງທາງພາກເໜືອ, ລະດົມ, ເຊື່ອມຕໍ່ບັນດາແຫຼ່ງກຳລັງ, ສ້າງກອງທຶນໜູນຊ່ວຍການພັດທະນາເພື່ອເປີດກ້ວາງຂອງຂະໜາດຂອງສະຫະກອນ ແລະ ທະວີຄູນບັນດາຮູບແບບທີ່ມີປະສິດທິຜົນ, ປະກອບສ່ວນເຂົ້າໃນການລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກ, ລົບລ້າງໄລຍະຫ່າງລະຫວ່າງ ຕົວເມືອງ ແລະ ຊົນນະບົດເປັນເທື່ອລະກ້າວ.