ອັດກອງປະຊຸມຄັ້ງທີ 5 ຄະນະບໍລິຫານງານສູນກາງພັກກອມມູນິດຫວຽດນາມ ຊຸດທີ 11
(vovworld) - ຕອນເຊົ້າວັນທີ 15/5, ກອງປະຊຸມຄັ້ງທີ 5 ຄະນະບໍລິຫານງານສູນກາງພັກກອມມູນິດຫວຽດນາມ ຊຸດທີ 11 ໄດ້ອັດລົງພາຍຫຼັງເຮັດວຽກມາເປັນເວລາ 9 ວັນ, ທ່ານເລຂາທິການໃຫຍ່ພັກກອມມູນິດຫວຽດນາມ Nguyen Phu Trong ໄດ້ເຮັດໃຫ້ຈະແຈ້ງບາງບັນຫາ ແລະ ສະຫຼຸບໂດຍສັງເຂບບັນດາໝາກຜົນສຳຄັນເຊິ່ງກອງປະຊຸມບັນລຸໄດ້. ກ່ຽວກັບການສະຫຼຸບ, ປັບປຸງ, ເພີ່ມເຕີມລັດຖະທຳມະນູນປີ 1992, ທ່ານເລຂາທິການໃຫຍ່ Nguyen Phu Trong ເນັ້ນໜັກວ່າ: ນີ້ແມ່ນເນື້ອໃນໃຫຍ່, ມີຄວາມສຳຄັນພິເສດຂອງກອງປະຊຸມຄັ້ງນີ້. ກ່ຽວກັບວິວັດການປັບປຸງລັດຖະທຳມະນູນ, ກອງປະຊຸມໄດ້ເຫັນດີເປັນເອກະສັນກັນວ່າ: ຄວນດຳເນີນຢ່າງແໜ້ນແຟ້ນ, ມີວິທະຍາສາດ, ໂດຍພາຍໃຕ້ການນຳພາຂອງພັກ ແລະ ຈັດຕັ້ງຢັ້ງຄວາມເຫັນຈາກປະຊາຊົນຢ່າງກ້ວາງຂວາງ ກ່ຽວກັບບັນດາເນື້ອໃນປັບປຸງ, ເພື່ອໃຫ້ສະພາແຫ່ງຊາດມີພື້ນຖານຢ່າງຄົບຖ້ວນເພື່ອພິຈາລະນາ, ຕັດສິນ.
ກ່ຽວກັບການສ້າງກົດໝາຍວ່າດ້ວຍທີ່ດິນໃຫ້ສົມບູນແບບ, ກອງປະຊຸມສືບຕໍ່ຢືນຢັນວ່າ: ທີ່ດິນແມ່ນຂຶ້ນກັບການຄອບຄອງຂອງທົ່ວປວງຊົນ ໂດຍລັດຕາງໜ້າເຈົ້າຂອງກຳມະສິດ ແລະ ເປັນເອກະສັນກັນໃນການຄຸ້ມຄອງ. ສິດນຳໃຊ້ທີ່ດິນກໍແມ່ນຊັບສິນປະເພດໜຶ່ງ ແລະ ເປັນສິນຄ້າພິເສດແຕ່ບໍ່ແມ່ນກຳມະສິດ. ກອງປະຊຸມຖືວ່າ: ຄວນຄົ້ນຄ້ວາປັບປຸງ, ເພີ່ມເຕີມກົດໝາຍວ່າດ້ວຍທີ່ດິນ ແລະ ສ້າງກົດໝາຍວ່າດ້ວຍທີ່ດິນໃຫ້ສົມບູນແບບ. ເພື່ອແກ້ໄຂບັນດາຂໍ້ຈຳກັດ, ຄວາມອ່ອນດ້ອຍທີ່ຍັງຄົງຄ້າງໃນປະຈຸບັນໂດຍໄວ, ຮັບປະກັນຜົນປະໂຫຍດໃນຕໍ່ໜ້າ ແລະ ຍາວນານ, ປົກປັກຮັກສາສະພາບແວດລ້ອມຊີວະພາບ, ສືບຕໍ່ປະຕິບັດການມອບດິນ, ໃຫ້ບັນດາຄອບຄົວ, ສ່ວນບຸກຄົນເຊົ່າດິນກະສິກຳໂດຍມີກຳນົດເວລາ ແຕ່ວ່າອາດຈະແກ່ຍາວກຳນົດເວລາຕື່ມອີກ ເພື່ອສົ່ງເສີມຊາວກະສິກອນຜູກພັນກັບການຜະລິດກະສິກຳ.
ກອງປະຊຸມຄັ້ງທີ 5 ຄະນະບໍລິຫານງານສູນກາງພັກຖືກອັດລົງພາຍຫຼັງເຮັດວຽກມາເປັນເວລາ 9 ວັນ
ກ່ຽວກັບການຕໍ່ສູ້ປ້ອງກັນ, ຕ້ານໄພສໍ້ລາດບັງຫຼວງ, ການຟຸມເຟືອຍ, ກອງປະຊຸມໄດ້ເຫັນດີເປັນເອກະສັນກັນຖືວ່າ: ວຽກງານປ້ອງກັນ, ຕ້ານໄພສໍ້ລາດບັງຫຼວງ, ການຟຸມເຟືອຍຍັງບໍ່ທັນບັນລຸໄດ້ຄວາມຕ້ອງການ “ສະກັດກັ້ນ, ຍູ້ໄພສໍ້ລາດບັງຫຼວງໃຫ້ຖອຍໄປເທື່ອລະກ້າວ”. ສູນກາງພັກເນັ້ນໜັກວ່າ: ຕ້ອງຢືດໝັ້ນ ແລະ ຍູ້ແຮງໜ້າທີ່ຕໍ່ສູ້ປ້ອງກັນ, ຕ້ານໄພສໍ້ລາດບັງຫຼວງ, ການຟູມເຟືອຍ, ຍົກສູງບົດບາດໜ້າທີ່ຂອງຄະນະພັກ, ອຳນາດການປົກຄອງຂັ້ນຕ່າງໆ ແລະ ຜູ້ເປັນຫົວໜ້າຄະນະບໍລິຫານງານສູນກາງພັກກອມມູນິດຫວຽດນາມ ໄດ້ເຫັນດີເປັນເອກະສັນກັນວ່າ: ແຜນນະໂຍບາຍສ້າງຕັ້ງຄະນະຊີ້ນຳສູນກາງກ່ຽວກັບການປ້ອງກັນ, ຕ້ານໄພສໍ້ລາດບັງຫຼວງທີ່ຂຶ້ນກັບກົມການເມືອງ, ສ້າງຕັ້ງຄະນະວຽກງານການເມືອງສູນກາງຄືນໃໝ່, ທັງປະຕິບັດບົດບາດໜ້າທີ່ແມ່ນອົງການພັກ, ພ້ອມທັງແມ່ນອົງການປະຈຳການຂອງຄະນະຊີ້ນຳສູນກາງກ່ຽວກັບການປ້ອງກັນ, ຕ້ານໄພສໍ້ລາດບັງຫຼວງ.
ກ່ຽວກັບນະໂຍບາຍສັງຄົມ, ຄະນະບໍລິຫານງານສູນກາງພັກກອມມູນິດຫວຽດນາມ ຮຍກຮ້ອງວ່າ: ຕ້ອງຖືເລື່ອງປົວແປງ, ຍົກສູງຊີວິດດ້ານວັດຖຸ ແລະ ຈິດໃຈຂອງຜູ້ມີຄຸນງາມຄວາມດີຕໍ່ປະເທດຊາດຢ່າງບໍ່ຢຸດຢັ້ງ ແລະ ຮັບປະກັນຊີວິດສັງຄົມແມ່ໜ້າທີ່ເປັນປະຈຳ, ສຳຄັນຂອງ, ທຸກຂະແໜງການຂັ້ນຕ່າງໆ, ຂອງທັງລະບົບການເມືອງ ແລະ ແມ່ນຄວາມຮັບຜິດຊອບຂອງທົ່ວສັງຄົມ. ສູ້ຊົນຮອດປີ 2015, ສ້າງສຳເລັດຈຸດໝາຍຮັບປະກັນໃຫ້ບັນດາຄອບຄົວຜູ້ມີຄຸນງາມຄວາມດີຕໍ່ປະເທດຊາດມີລະດັບຄອງຊີບເທົ່າກັບລະດັບສະເລ່ຍຂອງປະຊາຊົນໃນບໍລິເວັນໂດຍພື້ນຖານ, ຮອດປີ 2020 ຮັບປະກັນຊີວິດສັງຄົມແກ່ທົ່ວປວງຊົນ, ຮັບປະກັນດ້ານລາຍຮັບ, ການສຶກສາ, ສາທາລະນະສຸກ, ເຮືອນຢູ່...