ກອງປະຊຸມຄະນະບໍລິຫານງານສູນກາງພັກຄັ້ງທີ 4
ພາບ:baomoi.com.vn
|
(vovworld)ຕອນເຊົ້າວັນທີ 29/2 ກອງປະຊຸມພະນັກງານທົ່ວປະເທດຊາບຊືມຜັນຂະຫຍາຍການປະຕິບັດມະຕິກອງປະຊຸມຄະນະບໍລິຫານງານສູນກາງພັກຄັ້ງທີ 4 ຊຸດທີ 11 - ດ້ວຍຫົວຂໍ້ບາງບັນຫາຮີບດ່ວນກ່ຽວກັບການກໍ່ສ້າງພັກປະຈຸບັນ ໄດ້ອັດລົງຢູ່ຮ່າໂນ້ຍ. ກ່າວຄຳເຫັນໃນວາລະອັດກອງປະຊຸມ, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູຈ້ອງ ຖືວ່າ: ເພື່ອປະຕິບັດມະຕິດັ່ງກ່າວຕ້ອງມີຄວາມຕັດສິນໃຈສູງ. ເຖິງຢ່າງໃດກໍຕາມ, ໃນວິວັດການຜັນຂະຫຍາຍຄວນປະຕິບັດດ້ວຍຄວາມລະມັດລະວັງ, ບໍ່ຄວນຟ້າວຝັ່ງ. ກ່ຽວກັບບັນຫາຕຳນິຕົນເອງ ແລະ ຕຳນິໝູ່. ຕາມທ່ານເລຂາທິການໃຫຍ່ ຫງວຽນຟູຈ້ອງແລ້ວ, ບັນດາຄະນະພັກ ຄວນກຳແຫນ້ນແຜນການ, ສຸມໃສ່ເຂົ້າໃນ 3 ເນື້ອໃນທີ່ລະບຸໃນຄຳສັ່ງຂອງກົມການເມືອງ. ເມື່ອລົງກວດກາ ຕ້ອງປະຕິບັດຕາມ 19 ຂໍ້ຫ້າມສຳລັບສະມາຊິກພັກ, ເປີດເຜີຍ 19 ຂໍ້ຫ້າມນັ້ນເພື່ອໃຫ້ໝູ່ມະຫາຊົນຕິດຕາມກວດກາ. ທ່ານເລຂາທິການໃຫຍ່ ຫງວຽນຟູຈ້ອງ ກໍ່ຕັ້ງບັນຫາກ່ຽວກັບການເສື່ອມທາດຂາດຄຸນດ້ານແນວຄິດການເມືອງ, ຄຸນສົມບັດ ແລະ ແບບແຜນດຳລົງຊີວິດປະຈຸບັນ, ບົດບາດຂອງຜູ້ນຳຫນ້າທີ່ມີຕໍ່ຄະນະພັກ ແລະ ສະມາຊິກພັກແຕ່ລະຄົນ. ທ່ານເລຂາທິການໃຫຍ່ຍັງຖືວ່າ: ຄວນມີບັນດາກົນໄກເພື່ອຄັດເລືອກພະນັກງານຢ່າງຊັດເຈນ, ສ້າງເງື່ອນໄຂໃຫ້ແກ່ພະນັກງານຂັ້ນຮາກຖານເສີມຂະຫຍາຍກຳລັງຄວາມສາມາດຂອງຕົນ. ທ່ານເລຂາທິການໃຫຍ່ ຫງວຽນຟູຈ້ອງມີຄວາມເຊື່ອໝັ້ນວ່າ ພາຍຫລັງກອງປະຊຸມຄັ້ງນີ້ ຂະແຫນງການ, ຂັ້ນຕ່າງໆ ຈະປະຕິບັດມະຕິດັ່ງກ່າວເປັນຢ່າງດີເພື່ອໃຫ້ພັກເຂັ້ມແຂງກວ່າ, ສະມາຊິກພາຍໃນພັກມີຄວາມສາມັກຄີກວ່າ, ໄດ້ຮັບຄວາມໄວ້ເນື້ອເຊື່ອໃຈຈາກປະຊາຊົນ, ແລະເພື່ອໃຫ້ການພົວພັນລະຫວ່າງພັກ ແລະ ປະຊາຊົນນັບມື້ນັບສະຫນິດຕິດພັນ ສ້າງຄວາມໄວ້ເນື້ອເຊື່ອໃຈ ແລະ ຄວາມເຫັນດີເຫັນພ້ອມໃນທົ່ວສັງຄົມ ເພື່ອສ້າງສາ ແລະ ປົກປັກຮັກສາປະເທດຊາດ.