ວັນທີ 15 ພະຈິກ, ທ່ານລັດຖະມົນຕີການຕ່າງປະເທດ ອົດສະຕາລີ ນາງPenny Wong ໄດ້ປະກາດວ່າ ລັດຖະບານປະເທດນີ້ ໄດ້ຜັນຂະຫຍາຍຂໍ້ລິເລີ່ມດິນຟ້າອາກາດໃໝ່ທີ່ມີຊື່ວ່າ “The Climate Catalyst Window”, ເພື່ອແນໃສ່ຊຸກຍູ້ບັນດາວິສາຫະກິດສຸມໃສ່ບັນຫາດິນຟ້າອາກາດຢູ່ພາກພື້ນ ອາຊີຕາເວັນອອກສ່ຽງໃຕ້, ອາຊີໃຕ້ ແລະ ປາຊີຟິກ ໂດຍແມ່ນພາກພື້ນທີ່ມີຄວາມສ່ຽງສູງກ່ວາໝູ່ກ່ຽວກັບດິນຟ້າອາກາດ. ອົງການລົງທຶນພັດທະນາ ອົດສະຕາລີ (ADI) ຈະລົງທຶນເງິນເປັນຈຳນວນ 126 ລ້ານ AUDເຂົ້າຂໍ້ລິເລີ່ມນີ້ ເພື່ອຊຸກຍູ້ແຫຼ່ງການເງິນບຸລິມະສິດແນໃສ່ຫຼຸດຜ່ອນຄວາມສ່ຽງຈາກບັນດາການແລກປ່ຽນຄ້າຂາຍ, ເຮັດໃຫ້ບັນດາວິທີການແກ້ໄຂບັນຫາດິນຟ້າອາກາດມີຄວາມດຶງດູດສຳລັບນັກລົງທຶນເອກະຊົນ. ຈຳນວນເງິນທີ່ໄດ້ຮັບຈາກຂໍ້ລິເລີ່ມ The Climate Catalyst Window ຈະໄດ້ຮັບການລົງທຶນຄືນໃໝ່ ເພື່ອຮັບປະກັນວ່າກອງທັບຈະມີການເຕີບໂຕຕາມວັນເວລາ ແລະ ໜູນຊ່ວຍບັນດາໂຄງການອື່ນໆໃນອະນາຄົດ.

ທ່ານນາງ Penny Wong ຢັ້ງຢືນວ່າ ຂໍ້ລິເລີ່ມ ດັ່ງກ່າວ ຈະເປີດຫຼາຍໂອກາດໃຫ້ແກ່ບັນດາວິສາຫະກິດດິນຟ້າອາກາດ ໃນພາກພື້ນໂດຍ ຜ່ານການຊ່ວຍເຂົາເຈົ້າຊຸກຍູ້ເປົ້າໝາຍດ້ວຍບັນດາການກະທຳລະອຽດ. ຜ່ານໂຄງການນີ້, ອົດສະຕາລີຢາກຮັບປະກັນວ່າ ບັນດາປະເທດໃນພາກພື້ນຈະໄດ້ຮັບການຜົນປະໂຫຍດດີທີ່ສຸດຂອງແຫຼ່ງທຶນໜູນຊ່ວຍພັດທະນາເພື່ອຮັບປະກັນພາກພື້ນສັນຕິພາບ, ສະຖຽນລະພາບ, ວັດທະນາຖາວອນ ແລະ ສາມາດຟື້ນຟູໄດ້ເປັນຢ່າງດີ.