ທ່ານນາງ Robyn Mudie, ເອກອັກຄະລັດຖະທູດ ອົດສະຕາລີ ປະຈຳ ຫວຽດນາມ (ພາບ: TXVN)

ຕາມທ່ານນາງ Robyn Mudie, ເອກອັກຄະລັດຖະທູດ ອົດສະຕາລີ ປະຈຳ ຫວຽດນາມ ແລ້ວ, ບ້ວງເງິນລົງທຶນນີ້ສະແດງໃຫ້ເຫັນຄຳໝັ້ນສັນຍາຂອງ ອົດສະຕາລີ ແນໃສ່ເພີ່ມທະວີຄວາມສາມາດຂອງບັນດານັກທຸລະກິດໜຸ່ມ; ໃນນັ້ນມີບັນດານັກທຸລະກິດຍິງໃນການເປີດກວ້າງຂອບຂະໜາດວິສາຫະກິດ ແລະ ສ້າງບັນດາຜົນກະທົບຢ່າງຕັ້ງໜ້າໃຫ້ແກ່ສິ່ງແວດລ້ອມ ແລະ ສັງຄົມ. ໂດຍລະອຽດ, ບ້ວງເງິນລົງທຶນຂອງ ອົດສະຕາລີ ໃຫ້ແກ່ AVV ຈະສະໜອງທຶນເລີ່ມຕົ້ນໃຫ້ແກ່ບັນດາວິສາຫະກິດຫາກໍ່ຕັ້ງໃໝ່, ໃນນັ້ນ, ສຸມໃສ່ນັກທຸລະກິດຍິງ ແລະ ວິສາຫະກິດທີ່ນຳເອົາຜົນປະໂຫຍດມາໃຫ້ຜູ້ຍິງ, ຜ່ານນັ້ນສ້າງວຽກເຮັດງານທຳຫຼາຍຢ່າງກໍ່ຄືເພີ່ມລາຍຮັບເມື່ອພື້ນຖານເສດຖະກິດຟື້ນຟູພາຍຫຼັງໂລກລະບາດໂຄວິດ - 19.

     ຕາມທ່ານນາງເອກອັກຄະລັດຖະທູດ Robyn Mudie ແລ້ວ, ບ້ວງເງິນລົງທຶນນີ້ຈະປະກອບສ່ວນປະຕິບັດບັນດາບຸລິມະສິດຂອງຍຸດທະສາດ ເພີ່ມທະວີການຮ່ວມມືເສດຖະກິດ ຫວຽດນາມ - ອົດສະຕາລີ ແນໃສ່ເພີ່ມເງິນລົງທຶນ 2 ຝ່າຍຂັ້ນທົບສອງເທົ່າ ແລະ ປັບປຸງຄວາມມານະພະຍາຍາມຂອງ ອົດສະຕາລີ ໃນການໜູນຊ່ວຍ ຫວຽດນາມ ຍົກລະດັບຈາກຕະຫຼາດນ້ອຍ ເປັນຕະຫຼາດຫາກໍ່ພົ້ນເດັ່ນ.