ການບຸກໂຈມຕີທາງອາກາດຂອງ ອິດສະຣາແອັນ ຢູ່ ລີບັງວັນທີ 9 ພະຈິກ ໄດ້ມ້າງເພທຳລາຍຕຶກອາຄານຫຼາຍຫຼັງ (ພາບ:THX/TTXVN)

ວັນທີ 12 ພະຈິກ, ທ່ານລັດຖະມົນຕີກະຊວງປ້ອງກັນປະເທດ ອິດສະຣາແອັນ Israel Katz ໃຫ້ຮູ້ວ່າ ປະເທດນີ້ ຈະສືບຕໍ່ສຸມກຳລັງທັງໝົດບຸກໂຈມຕີຂະບວນການອິດສະລາມ ເຮັກໂປລາ ຢູ່ ລີບັງ ແລະ ຈະບໍ່ມີຄຳສັ່ງຢຸດຍິງ.  ໃນບົດຂຽນທີ່ໄດ້ເອົາລົງໃນສື່ສັງຄົມ X, ທ່ານລັດຖະມົນຕີ Katz ຊີ້ແຈ້ງວ່າ ຈະບໍ່ມີຄຳສັ່ງຢຸດຍິງ ແລະ ບໍ່ມີໄລຍະຢຸດຍິງຢູ່ ລີບັງ ຈົນຮອດເວລາໃດທີ່ ອິດສະຣາແອັນ ບັນລຸໄດ້ບັນດາເປົ້າໝາຍ, ໃນນັ້ນ ມີມາດຕະການປົດອາວຸດຂອງ ເຮັກໂບລາ ແລະ ຮັບປະກັນໃຫ້ປະຊາຊົນຢູ່ທາງທິດເໜືອ ອິດສະຣາແອັນ ໄດ້ກັບບ້ານຢ່າງປອດໄພ. ອິດສະຣາແອັນ ຈະປະຕິເສດບໍ່ວ່າຂໍ້ຕົກລົງຢຸດຍິງໃດໆທີ່ສະກັດກັ້ນຕໍ່ການບຸກໂຈມຕີເລັ່ງໃສ່ບັນດາເປົ້າໝາຍຂອງ ເຮັກໂບລາ ຢູ່ ລີບັງ.

        ກໍໃນວັນທີ 12 ພະຈິກ, ອິດສະຣາແອັນ ໄດ້ດຳເນີນບັ້ນບຸກໂຈມຕີຢ່າງໜ້ອຍສຸດ 10 ຄັ້ງເຂົ້າທາງທິດໃຕ້ນະຄອນຫຼວງ Beirut ຂອງ ລີບັງ. ການກະທຳດັ່ງກ່າວໄດ້ດຳເນີນພາຍຫຼັງທີ່ກອງທັບ ອິດສະຣາແອັນ ຮຽກຮ້ອງໃຫ້ປະຊາຊົນຢູ່ບາງຖະໜົນຍົກຍ້າຍອອກຈາກບໍລິເວນ ເຊິ່ງ ອິດສະຣາແອັນ ຖືວ່າ ເປັນກຳແພງຂອງຂະບວນການອິດສະລາມ ເຮັກໂບລາ.