ຕາມສື່ມວນຊົນຂອງພາກພື້ນແລ້ວ, ໃນຈຳນວນຕົວປະກັນ 24 ຄົນທີ່ ຮາມາດສ ໄດ້ປ່ອຍຕົວນັ້ນ, ລວມມີພົນລະເມືອງ ອິດສະຣາແອັນ 13 ຄົນ, ພົນລະເມືອງ ໄທ 10 ຄົນ ແລະ ພົນລະເມືອງ ຟີລິບປິນ 1 ຄົນ, ເຊິ່ງໄດ້ສົ່ງຈາກເຂດກາຊາ ຂ້າມໄປເກາະ Sinai ຂອງ ອີຢິບ, ພາຍໃຕ້ການໜູນຊ່ວຍຂອງສະພາກາແດງສາກົນ. ໃນນັ້ນ, ກອງທັບປະເທດນີ້ໄດ້ສົ່ງ ຕົວປະກັນອິດສະຣາແອັນ 13 ຄົນ ກັບຄືນເມືອປະເທດໃນຕອນຄ່ຳວັນທີ 24 ພະຈິກ. ໃນຂະນະນັ້ນ, ເຈົ້າໜ້າທີ່ ອິດສະຣາແອັນ ກໍ່ໄດ້ປ່ອຍຕົວ ນັກໂທດ ປາແລັດສະຕິນ 39 ຄົນ ຢູ່ 2 ສະຖານທີ່ຂຶ້ນກັບເຂດຝັ່ງຕາເວັນຕົກແມ່ນ້ຳຈໍແດນ.

        ກ່ຽວກັບສະພາບການປະຕິບັດຄຳສັ່ງຢຸດຍິງ, ສື່ມວນຊົນພາກພື້ນນີ້ໃຫ້ຮູ້ວ່າ ໄລ່ຮອດຕອນກາງຄືນຂອງວັນທີ 24 ພະຈິກ, ທັງສອງຝ່າຍຍັງປະຕິບັດຄຳສັ່ງຢຸດຍິງ ແລະ ຍັງບໍ່ທັນມີການລາຍງານກ່ຽວກັບການລະເມີດໃດໆ.

ນັກຂ່າວ VOV ປະຈຳ ອີຢິບ