ພາບປະກອບ:  THX/TTXVN

ວັນທີ 7 ພະຈິກ, ບັນດາກຳລັງຂອງອິດສະລາແອັນໄດ້ເພີ່ມທະວີການຍິງປືນໃຫຍ່ເລັ່ງໃສ່ເຂດກາຊາ ແລະ ຍົກອອກຄຳສັ່ງອົບພະຍົບຕື່ມອີກ ໂດຍໄດ້ກໍ່ກະແສອົບພະຍົບໃໝ່ຈາກທາງທິດເໜືອເຂດກາຊາ. ຕາມບັນດາເຈົ້າໜ້າທີ່ການແພດປາແລັດສະຕິນແລ້ວ, ມີຜູ້ເສຍຊີວິດຢ່າງໜ້ອຍສຸດ 10 ຄົນ ແລະ ບາງຄົນໄດ້ຮັບບາດເຈັບໃນການບຸກໂຈມຕີທາງອາກາດເຊິ່ງກອງທັບອິດສະລາແອັນດຳເນີນ ເລັ່ງໃສ່ໂຮງຮຽນແຫ່ງໜຶ່ງ ທີ່ແມ່ນສະຖານທີ່ພັກເຊົາຊົ່ວຄາວຂອງບັນດາຄອບຄົບຊາວອົບພະຍົບຢູ່ລີ້ໄພຄ້າຍ Shati ນະຄອນ ກາຊາ. ອິດສະລາແອັນຍັງບໍ່ທັນມີຄຳເຫັນຫຍັງຕໍ່ຂໍ້ມູນນີ້. ແລະກໍ່ໃນວັນດຽວກັນ, ກອງທັບອາກາດ ອິດສະລາແອັນ ກໍ່ຜັນຂະຫຍາຍບັນດາເຫດບຸກໂຈມຕີທາງອາກາດຢ່າງດຸເດືອດເລັ່ງໃສ່ຫຼາຍພາກພື້ນທີ່ແຕກຕ່າງກັນຢູ່ ລີບັງ, ເຮັດໃຫ້ຫຼາຍຄົນຖືກບາດເຈັບ ແລະ ເສຍຊີວິດ. ຕາມກອງທັບລີບັງແລ້ວ, ບັນດາເຫດບຸກໂຈມຕີທາງອາກາດຂອງອິດສະລາແອັນ ເລັງໃສ່ລີບັງໃນວັນທີ 7ພະຈິກ ເຮັດໃຫ້ມີຜູ້ເສຍຊີວິດ 4 ຄົນ ແລະ ນັບສິບຄົນຖືກບາດເຈັບ.

ບ໋າທີ - ນັກຂ່າວ VOV ປະຈຳ ເອຢິບ