ເວທີປາໄສຕຳຫຼວດຈາລະຈອນ ອາຊຽນ ຄັ້ງທີ 1
|
(vovworld) – ຕອນເຊົ້າວັນທີ 22/11, ຢູ່ຮ່າໂນ້ຍ, ເວທີປາໄສຕຳຫຼວດຈາລະຈອນ ອາຊຽນ ຄັ້ງທີ 1 ໄດ້ຈັດວາລະອັດກອງປະຊຸມ, ຮັບຮອງເອົາບົດບັນທຶກສະຫລຸບຂອງວາລະເຮັດວຽກຕ່າງໆ ແລະ ຖະແໜງການຮ່ວມ. ພາຍຫຼັງເຮັດວຽກເປັນເວລາ 2 ວັນ, ບັນດາຜູ້ແທນໄດ້ ແລກປ່ຽນກ່ຽວກັບບັນດາເນື້ອໃນກ່ຽວຂ້ອງເຖິງວຽກງານຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພທາງຄົມມະນາຄົມ, ສຸມໃສ່ເຂົ້າຫົວຂໍ້ຕ່າງໆຄື: ຮູບແບບການຈັດຕັ້ງ, ບົດບາດໜ້າທີ່, ສິດອຳນາດຂອງຕຳຫຼວດຈາລະຈອນບັນດາປະເທດ ແລະ ສະພາບຄວາມເປັນລະບຽບຮຽບຮ້ອຍ, ຄວາມປອດໄພທາງຄົມມະນາຄົມ, ວຽກງານສືບສວນສອບສວນ, ການແກ້ໄຂ ແລະ ສະຖິຕິອຸບັດຕິເຫດທາງຄົມມະນາຄົມ, ບົດຮຽນໃນການບັງຄັບປະຕິບັດກົດໝາຍວ່າດ້ວຍຄົມມະນາຄົມໃນຂົງເຂດຕ່າງໆ.
ຖະແຫຼງການຮ່ວມຂອງເວທີປາໄສໄດ້ຊີ້ແຈ້ງວ່າ ເວທີປາໄສຕຳຫຼວດຈາລະຈອນ ອາຊຽນ ແມ່ນຂໍ້ລິເລີ່ມຂອງກົມຕຳຫຼວດຈາລະຈອນ, ຂຶ້ນກັບກະຊວງຕຳຫຼວດ ຫວຽດນາມ ດ້ວຍຈຸດປະສົງແລກປ່ຽນບົດຮຽນໃນການປະຕິບັດກົດໝາຍກ່ຽວກັບຄວາມລະບຽບຮຽບຮ້ອຍທາງຄົມມະນາຄົມ, ການຄຸ້ມຄອງແຫ່ງລັດກ່ຽວກັບ ຄວາມເປັນລະບຽບຮຽບຮ້ອຍ, ຄວາມປອດໄພໃນການຈາລະຈອນ, ປັບປຸງກົດໝາຍວ່າດ້ວຍການຄົມມະນາຄົມໃນເງື່ອນໄຂເຊື່ອມໂຍງຂອງ ພົນລະເມືອງບັນດາປະເທດປະຊາຄົມ ອາຊຽນ. ບັນດາປະເທດ ອາຊຽນ ພັດປ່ຽນກັນຈັດຕັ້ງ ເວທີປາໄສຕຳຫຼວດຈາລະຈອນ ອາຊຽນ ປີລະເທື່ອໜຶ່ງ. ຕາມພົນຈັດຕະວາ ເຈີ່ນເຊີນຮ່າ, ຫົວໜ້າກົມຕຳຫຼວດຈາລະຈອນແລ້ວ, ຖະແຫຼງການຮ່ວມກໍ່ໄດ້ເຕື້ອງເຖິງເລື່ອງສົ່ງເສີມລັດຖະບານບັນດາປະເທດຮັບຮູ້ໃບຂັບຂີ່ຂອງບັນດາປະເທດສະມາຊິກ ອາຊຽນ, ເປັນເອກະພາບກັນໃນການລາຍງານຕໍ່ລັດຖະບານຂອງແຕ່ລະປະເທດມອບສິດໃຫ້ກຳລັງຕຳຫຼວດຈາລະຈອນສະໜອງໃບຂັບຂີ່ ແລະ ຄຸ້ມຄອງການຂັບຂີ່. ມຸ່ງໄປເຖິງຄວາມເປັນເອກະພາບຕໍ່ວິທີສະຖິຕິ ແລະ ຕີລາຄາອຸບັດຕິເຫດໃນການຄົມມະນາຄົມໃນພາກພື້ນ, ມີຈຸດໝາຍລວມແມ່ນຫລຸດຜ່ອນອຸບັດຕິເຫດໃນການຄົມມະນາຄົມ, ສະພາບລົດຕິດ.