ອິນເດຍ ຖືການຊຸກຍູ້ການພົວພັນກັບຫວຽດນາມເປັນສຳຄັນ
ພົນໂທ ໂດບາຕີ້
|
(vovworld)- ຄະນະຜູ້ແທນການທະຫານຂັ້ນສູງກອງທັບປະຊາຊົນຫວຽດນາມ ໂດຍພົນໂທ ໂດບາຕີ້, ຫົວຫນ້າກົມໃຫຍ່ເສນາທິການກອງທັບປະຊາຊົນຫວຽດນາມ ນຳຫນ້າ ພວມຢ້ຽມຢາມສັນຖະວະໄມຕີ ອິນເດຍ ຢ່າງເປັນທາງການ. ທີ່ການເຈລະຈາກັບ ພົນໂທໂດບາຕີ້, ພົນເອກ ກອງທັບອາກາດອິນເດຍ Norman Anil Kumar ສະແດງຄວາມເຊື່ອໝັ້ນວ່າ ການຢ້ຽມຢາມຂອງຄະນະຜູ້ແທນການທະຫານຂັ້ນສູງກອງທັບປະຊາຊົນຫວຽດນາມ ຈະປະກອບສ່ວນສຳຄັນສ້າງທ່ວງທ່າໃຫ້ແກ່ບັນດາບາດກ້າວພັດທະນາໃຫມ່ໃນການພົວພັນຄູ່ຮ່ວມມືຍຸດທະສາດ, ໃນນັ້ນ ມີການພົວພັນດ້ານປ້ອງກັນຊາດລະຫວ່າງສອງປະເທດ, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບການຮ່ວມມື ແລະ ພັດທະນາຢູ່ ພາກພື້ນ. ພົນເອກ Norman Anil Kumar ຢືນຢັນ: ຫວຽດນາມ ສວມບົດບາດສຳຄັນ ແລະ ແມ່ນຄູ່ຮ່ວມມືຕົ້ນຕໍຂອງ ອິນເດຍ ຢູ່ ພາກພື້ນອາຊີຕາເວັນອອກສຽງໃຕ້, ສະນັ້ນ ອິນເດຍ ຖືການຊຸກຍູ້ການພົວພັນກັບຫວຽດນາມ,ໃນນັ້ນ ມີດ້ານປ້ອງກັນຊາດເປັນສຳຄັນ ແລະ ອິນເດຍຈະຕັ້ງຫນ້າຊ່ວຍເຫລືອຫວຽດນາມໃນວິວັດການກະກຽມເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງ ສປຊ.
(