(vovworld) – ວັນທີ 20/7, ທ່ານປະທານາທິບໍດີຊົ່ວຄາວ ອີຢິບ Adly Mansour ໄດ້ເຊັນລັດຖະດຳລັດສ້າງຕັ້ງກຳມາທິການກົດໝາຍເພື່ອປັບປຸງລັດຖະທຳມະນູນ ປີ 2012 ທີ່ຖືກກອງທັບຢຸດໄວ້ໃນວັນທີ 3/7 ຜ່ານມາ. ໜັງສືພິມລາຍວັນ Al Ahram ໃຫ້ຮູ້ວ່າ: ກຳມາທິການດັ່ງກ່າວໂດຍຜູ້ພິພາກສາ ທ່ານ Awad Ali Saleh, ທີ່ປືກສາລັດຖະທຳມະນູນຂອງປະທານາທິບໍດີ ເປັນຫົວໜ້າຈະເລີ່ມເຮັດວຽກໃນວັນທີ 21/7 ຢູ່ສຳນັກງານສະພາ Shura - ສະພາສູງ ອີຢິບ ແລະ ມີເວລາ 1 ເດືອນເພື່ອປະຕິບັດວຽກງານຂອງຕົນໃຫ້ສຳເລັດ. ຕາມລັດຖະດຳລັດແລ້ວ, “ຄະນະເລຂາດ້ານເຕັກນິກ” ກໍ່ໄດ້ຮັບການສ້າງຕັ້ງ ເພື່ອແນໃສ່ໜູນຊ່ວຍກຳມາທິການນີ້.
ໃນສະພາບການອື່ນທີ່ກ່ຽວຂ້ອງ, ສຳນັກຂ່າວສານທາງການ MENA ຂອງ ອີຢິບ ໃຫ້ຮູ້ວ່າ: ກອງປະຊຸມຄັ້ງທຳອິດຂອງຄະນະລັດຖະບານຊົ່ວຄາວປະເທດນີ້ໄດ້ຈັດຕັ້ງໃນວັນທີ 21/7 ດ້ວຍໂຄງການດຳເນີນງານສຸມໃສ່ເຂົ້າໃນບັນດາບັນຫາເສດຖະກິດ ແລະ ປ້ອງກັນຄວາມສະຫງົບ.