ອີຢູ ປະຕິເສດ ແຜນການສ້າງສັນຕິພາບຢູ່ພາກພື້ນຕາເວັນອອກກາງຂອງ ອາເມລິກາ
(VOVWORLD) -ໃນຖະແຫຼງການທີ່ໄດ້ຍົກອອກມາໃນວັນທີ 04 ກຸມພາ, ທ່ານ Josep Borrell ຜູ້ຕາງໜ້າຂັ້ນສູງກ່ຽວກັບນະໂຍບາຍການຕ່າງປະເທດຂອງ ສະຫະພາບເອີຣົບ (ອີຢູ) ໄດ້ປະຕິເສດຫຼາຍເນື້ອໃນຂອງແຜນການສ້າງສັນຕິພາບຢູ່ພາກພື້ນຕາເວັນອອກກາງສະບັບໃໝ່ຂອງ ອາເມລິກາ.
 ທ່ານປະທານາທິບໍດີ ອາເມລິກາ Donald Trump (ພາບ: TTXVN) |
ທ່ານໄດ້ເນັ້ນໜັກວ່າ ຂໍ້ລິເລີ່ມຂອງ ອາເມລິກາ ແມ່ນລະເມີດບັນດາຂອບຈໍາກັດ ເຊິ່ງປະຊາຄົມສາກົນໄດ້ເຫັນດີເປັນເອກະພາບ” ແລະ ຊີ້ແຈ້ງວ່າ ຖ້າຫາກວ່າ ອິດສະຣາແອັນ ດໍາເນີນບັນດາບາດກ້າວໂຮມດິນແດນຂອງ ປາແລັດສະຕິນ ເຂົ້າອິດສະຣາແອັນ ນັ້ນ ອາດຈະເກີດປະຕິກິລິຍາຕອບກັບ.
ໃນເຫດການທີ່ກ່ຽວຂ້ອງ, ວັນທີ 04 ກຸມພາ, ທ່ານປະທານາທິບໍດີ ອິດສະຣາແອັນ Reuven Rivlin ໄດ້ຮຽກຮ້ອງໃຫ້ ອິດສະຣາແອັນ ແລະ ປາແລັດສະຕິນ ນໍາໃຊ້ແຜນການສ້າງສັນຕິພາບຢູ່ຕາເວັນອອກກາງ ຂອງ ອາເມລິກາ ເພື່ອເປັນພື້ນຖານໃຫ້ແກ່ການເຊື່ອມຕໍ່ການເຈລະຈາໂດຍກົງລະຫວ່າງສອງຝ່າຍຄືນໃໝ່.