ການເຈລະຈາລະຫວ່າງ ອີຣານ ກັບບັນດາປະເທດມະຫາອຳນາດ ເພື່ອແນໃສ່ຟື້ນຟູ ຂໍ້ຕົກລົງ JCPOA (ພາບ: TTXVN)

ຕາມຖະແຫຼງການທີ່ໄດ້ຮັບການລົງນາມຈາກສະມາຊິກລັດຖະສະພາອີຣານ 250 ທ່ານແລ້ວ, ອາເມລິກາຄວນສະໜອງໃຫ້ປະເທດນີ້ຄວາມຮັບປະກັນດ້ານນິຕິກຳທີ່ຈຳເປັນວ່າ ວໍຊິງຕັນ ຈະບໍ່ຖອນຕົວອອກຈາກ JCPOA ອີກຄັ້ງໜຶ່ງ, ແລະບັນຫານີ້ຕ້ອງໄດ້ຮັບປະກັນຈາກບັນດາລະບອບລະບຽບການຕັດສິນ ຂອງອາເມລິກາ, ໃນນັ້ນມີ ສະພາແຫ່ງຊາດ, ພາຍໃຕ້ຮູບແບບຖືກຕ້ອງຕາມກົດໝາຍ ເພື່ອແນໃສ່ບໍ່ສ້າງສິ່ງກີດຂວາງໃດໜຶ່ງຕໍ່ການປະຕິບັດຂໍ້ຕົກລົງໃນອະນາຄົດ.

ໄປຄຽງຄູ່ກັນນັ້ນ, ອາເມລິກາກໍ່ຄວນໃຫ້ຄຳໝັ້ນສັນຍາວ່າ ຄຳສັ່ງລົງໂທດທີ່ຖືກຍົກເລີກ ຈະບໍ່ໄດ້ຈັດວາງໃສ່ອີຣານຄືນໃໝ່, ແລະ ອີຣານ ມີສິດສົ່ງອອກນ້ຳມັນ ໄປຍັງບໍ່ວ່າປະເທດໃດ ດ້ວຍຈຳນວນທີ່ໄດ້ຮັບການຕົກລົງກັນແລ້ວ. ເຕເຮຣານ ກໍ່ອາດຈະໄດ້ຮັບລາຍຮັບຈາກການສົ່ງອອກນ້ຳມັນ ຜ່ານລະບົບທະນາຄານສາກົນ.  

ແລະກໍ່ໃນວັນດຽວກັນ, ທ່ານປະທານາທິບໍດີ ອີຣານ Ebrahim Raisi ໃຫ້ຮູ້ວ່າ ປະເທດນີ້ຈະບໍ່ອອກຈາກການເຈລະຈາຢູ່ວຽນນາ (ໂອຕາລິດ), ພ້ອມທັງເນັ້ນໜັກວ່າ ລັດຖະບານ ອີຣານຢາກຊອກຫາວິທີການຮັບປະກັນສິດຂອງປະຊາຊົນຜ່ານຂໍ້ຕົກລົງ.