ອີຣານ ມີຄວາມສົນໃຈເປັນພິເສດເຖິງສະຖຽນລະພາບຢູ່ເຂດອ່າວ ເປີເຊຍ
(VOVWORLD) - ອີຣານ ມີຄວາມສົນໃຈເປັນພິເສດເຖິງການຮັບປະກັນສະຖຽນລະພາບຢູ່ເຂດອ່າວເປີເຊຍ. ນີ້ແມ່ນຄໍາຖະແຫຼງຂອງທ່ານ Mohamad Javad Zarif ລັດຖະມົນຕີການຕ່າງປະເທດ ອີຣານ ທີ່ໄດ້ຍົກອອກມາໃນວັນທີ 27 ສິງຫາ ໃນການເຈລະຈາກັບຄູ່ຕໍາແໜ່່ງ ຍີ່ປຸ່ນ Taro Kono ຢູ່ນະຄອນ Yokohama ປະເທດ ຍີ່ປ່ນຸ.
 ທ່ານ Mohamad Javad Zarif ລັດຖະມົນຕີການຕ່າງປະເທດ ອີຣານ (ພາບ: TTXVN) |
ທີ່ການເຈລະຈາ, ທ່ານລັດຖະມົນຕີການຕ່າງປະເທດ ຍີ່ປຸ່ນ Kono ໄດ້ສະແດງຄວາມວິຕົກກັງວົນກ່ຽວກັບສະພາບຄວາມເຄັ່ງຕຶງຢູ່ທະເລຕາເວັນອອກ, ພ້ອມທັງຫວັງວ່າ ຍີ່ປຸ່ນ ຈະປະຕິບັດບາງຄວາມມານະພະຍາຍາມທາງການທູດ ເພື່ອຫຼຸດຜ່ອນຄວາມເຄັ່ງຕຶງໃນພາກພື້ນນີ້.
ເມື່ອຕອບກັບ, ທ່ານລັດຖະມົນຕີການຕ່າງປະເທດ ອີຣານ Zarif ກໍໄດ້ເນັ້ນໜັກເຖິງຄວາມຈໍາເປັນຕ້ອງເຂົ້າຮ່ວມການປຶກສາຫາລືລະຫວ່າງສອງຝ່າຍ ແລະ ພາກພື້ນ. ທ່ານກ່າວວ່າ ທັງອີຣານ ແລະ ຍີ່ປຸ່ນ ລ້ວນແຕ່ມີຄວາມສົນໃຈເປັນພິເສດເຖິງສະຖຽນລະພາບຂອງຕະຫຼາດພະລັງງານກໍຄືຄວາມໝັ້້ນຄົງ ແລະ ສະຖຽນລະພາບຢູ່ ເຂດອ່າວ ເປີເຊີຍ”.
ການເຈລະຈາລະຫວ່າງລັດຖະມົນຕີການຕ່າງປະເທດ ຍີ່ປຸ່ນ ແລະ ອີຣານ ພວມດໍາເນີນໄປໃນສະພາບທີ່ຄວາມເຄັ່ງຕຶງຢູ່ອ້ອມເຂດອ່າວເປີເຊຍ ປິນຂັ້ນໄດ ເມື່ອ ອາເມລິກາ ຊອກຫາການສະໜັບສະໜູນ ເພື່ອສ້າງຕັ້ງສໍາພັນທະມິດກອງທັບເຮືອ ເພື່ອປົກປ້ອງກໍ່າປັ່ນການຄ້າລໍາຕ່າງໆທີ່ເຄື່ອນໄຫວໄປ-ມາ ຢູ່ເຂດອ່າວນີ້.