(ພາບປະກອບ:  baochinhphu.vn)

ບັນດາເນື້ອໃນທີ່ໜ້າສົນໃຈໃນແຜນຜັງເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຮອດປີ 2030 ວິໄສທັດຮອດປີ 2050 ໂດຍລັດຖະບານຫາກໍອະນຸມັດຜ່ານ ລວມມີ ເຂດຈະກາຍເປັນສູນເສດຖະກິດກະສິກຳແບບຍືນຍົງ, ຂະຫຍັນຂັນເຄື່ອນ ແລະ ມີປະສິດທິຜົນສູງດ້ວຍມູນຄ່າເພີ່ມປະມານ 20 – 25% ໃນປີ 2030. ຫັນປ່ຽນໂຄງປະກອບການຜະລິດກະສິກຳແທດເໝາະ ກັບເງື່ອນໄຂທຳມະຊາດຕາມ 3 ອະນຸເຂດຊີວະພາບ ອີງຕາມແຫຼ່ງນ້ຳຈືດ, ນ້ຳເຄັມ ແລະ ນ້ຳກຣ່ອຍ.

     ກ່ຽວກັບການທ່ອງທ່ຽວ, ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຈະກາຍເປັນເຄື່ອງໝາຍສາກົນກ່ຽວກັບການທ່ອງທ່ຽວກະສິກຳ - ຊົນນະບົດ, ທ່ອງທ່ຽວຊີວະພາບ. ລົງທຶນກໍ່ສ້າງລະບົບໂຄງລ່າງ ແລະ ພື້ນຖານດ້ານວັດຖຸເຕັກນິກຮັບໃຊ້ການທ່ອງທ່ຽວຄົບຊຸດ, ເຊື່ອມຕໍ່ລະຫວ່າງເຂດ ແລະ ສະຖານທີ່ທ່ອງທ່ຽວພາຍໃນເຂດ, ລະຫວ່າງເຂດ ແລະ ສາກົນ ໃນນັ້ນ ເອົາໃຈໃສ່ເປັນພິເສດເຖິງການພັດທະນາລະບັບທ່າເຮືອທ່ອງທ່ຽວໃນແມ່ນ້ຳຕ່ຽນ, ແມ່ນ້ຳ ເຮົ້າ ແລະ ທ່າທ່ອງທ່ຽວກ່ຳປັ່ນທະເລ ຢູ່ບັນດາແຂວງແຄມທະເລ. ສົ່ງເສີມພາກສ່ວນເສດຖະກິດເຂົ້າຮ່ວມການລົງທຶນພັດທະນາການທ່ອງທ່ຽວ. ເພີ່ມທະວີການບຳລຸງສ້າງວິຊາຊີບການບໍລິການທ່ອງທ່ຽວ, ປະກອບສ່ວນເຂົ້າໃນການຫັນປ່ຽນອາຊີບແບບຍືນຍົງໃຫ້ແກ່ແຮງງານເຂດຊົນນະບົດ.