ອາຊຽນ ໄດ້ຮຽກຮ້ອງໃຫ້ຮັກສາການເຈລະຈາ ເພື່ອສັນຕິພາບໃນແຫຼມເກົາຫຼີ
(VOVWORLD) - ຮ່າງຖະແຫຼງການຂອງປະທານ ARF ໄດ້ສະແດງຄວາມຊົມເຊີຍຕໍ່ບັນດາຂໍ້ລິເລີ່ມ ແລະ ຄວາມມານະພະຍາຍາມຂອງ ສ.ເກົາຫຼີ, ອາເມລິກາ ແລະ ຈີນເພື່ອຊຸກຍູ້ການເຈລະຈາກັບ ສປປ.ເກົາຫຼີ.
ບັນດາລັດຖະມົນຕີເຂົ້າຮ່ວມເວທີປາໄສປ້ອງກັນຄວາມໝັ້ນຄົງໃນພາກພື້ນ ອາຊຽນ ຢູ່ ບາງກອກ (ປະເທດໄທ) ໃນເດືອນສິງຫາຈະ ມາເຖິງ, ຄາດວ່າຈະຊົມເຊີຍການເຈລະຈາໃນຫວ່າງມໍ່ໆມານີ້ຂອງບັນດາການນຳ ອາເມລິກາ ແລະ ສປປ.ເກົາຫຼີ, ພ້ອມທັງຮຽກຮ້ອງໃຫ້ການເຈລະຈາລະຫວ່າງບັນດາປະເທດທີ່ກ່ຽວຂ້ອງເພື່ອຫັນການປະຕິບັດປອດນິວເຄຼຍໃນແຫຼມເກົາຫຼີໃຫ້ປະກົດຜົນເປັນຈິງ. ເວທີປາໄສໃນພາກພື້ນ ອາຊຽນ (ARF), ຈະໄດ້ຮັບການຈັດຕັ້ງຢູ່ ບາງກອກ ໃນວັນທີ 2 ສິງຫາ ຈະມາເຖິງ, ເຊິ່ງເຕົ້າໂຮມ ລັດຖະມົນຕີກະຊວງການຕ່າງປະເທດ 27 ທ່ານຂອງບັນດາປະເທດ ຄື ອາເມລິກາ, ຈີນ, ສ.ເກົາຫຼີ ແລະ ສປປ.ເກົາຫຼີ, ລັດເຊຍ ແລະ ຍີ່ປຸ່ນ ເພື່ອປຶກສາຫາລືບັນດາບັນຫາຄວາມໝັ້ນຄົງ. ນີ້ແມ່ນໜຶ່ງໃນຈຳນວນໜ້ອຍຂອງເວທີປາໄສຫຼາຍຝ່າຍຊຶ່ງ ສປປ.ເກົາຫຼີ ເຂົ້າຮ່ວມ.
ຮ່າງຖະແຫຼງການຂອງປະທານ ARF ໄດ້ສະແດງຄວາມຊົມເຊີຍຕໍ່ບັນດາຂໍ້ລິເລີ່ມ ແລະ ຄວາມມານະພະຍາຍາມຂອງ ສ.ເກົາຫຼີ, ອາເມລິກາ ແລະ ຈີນເພື່ອຊຸກຍູ້ການເຈລະຈາກັບ ສປປ.ເກົາຫຼີ.