ທ່ານ ຮອງນາຍົກລັດຖະມົນຕີ ຫວູດຶກດາມ ຖືວ່າ: ຫວຽດນາມ ຄວນສືບຕໍ່ມານະພະຍາຍາມສູ້ຊົນເພື່ອໃຫ້ເລື່ອງອ່ານປື້ມ, ວັດທະນະທຳອ່ານ ໃຫ້ມີໝາກມີຜົນ, ແຜ່ລາມອອກສູ່ທຸກຂະແຫນງການ, ທຸກຂັ້ນ, ທົ່ວສັງຄົມ ເປັນຕົ້ນແມ່ນໄວຫນຸ່ມ.

“ຕ້ອງນຳເອົາວັດທະນະທຳອ່ານເຂົ້າໃນບັນດາຂະບວນການ. ພ້ອມກັນນັ້ນ ສືບຕໍ່ສ້າງສະພາບແວດລ້ອມ ດ້ວຍເງື່ອນໄຂສະດວກທີ່ສຸດ ເພື່ອໃຫ້ທຸກຄົນເຂົ້າຮ່ວມການຂຽນປື້ມ. ເພີ່ມທະວີການຮ່ວມມືພົວພັນແລກປ່ຽນກັບສາກົນ, ຕັ້ງຫນ້າເຂົ້າຮ່ວມສະມາຄົມປື້ມທີ່ລືຊື່ຂອງໂລກ.”

ໃນຕອນບ່າຍວັນດຽວກັນ,  ທ່ານຮອງນາຍົກລັດຖະມົນຕີ ຫວູດຶກດາມ ແລະ ທ່ານ ຫວໍວັນເຖືອງ ຫົວຫນ້າຄະນະໂຄສະນາສຶກສາສູນກາງກໍ່ໄດ້ເຂົ້າຮ່ວມພິທີໄຂວັນປື້ມຫວຽດນາມ ຄັ້ງທີ 6. ກ່າວຄຳເຫັນທີ່ພິທີ, ທ່ານ ຮ່ວາງຫວີງບ໋າວ, ຮອງລັດຖະມົນຕີກະຊວງຖະແຫລງຂ່າວ ແລະ ສື່ສານຫວຽດນາມ ຊີ້ແຈ້ງວ່າ:

“ນີ້ບໍ່ພຽງແຕ່ແມ່ນໂອກາດເພື່ອໃຫ້ບັນດາສຳນັກພິມຈຳຫນ່າຍ, ບັນດາບໍລິສັດປື້ມ ແນະນຳປື້ມຫົວໃຫມ່ເຖິງທ່ານຜູ້ອ່ານ, ແຜ່ລາມຄວາມນິຍົມອ່ານປື້ມ ເທົ່ານັ້ນ ຫາກຍັງແມ່ນໂອກາດເພື່ອໃຫ້ບັນດາຫົວຫນ່ວຍພົບປະແລກປ່ຽນ ແລະ ຈັດຕັ້ງບັນດາການເຄື່ອນໄຫວຕິດພັນກັບປື້ມ, ສ້າງຄວາມດູດດື່ມນັບມື້ນັບເລິກກວ້າງຂອງຂອບເຂດເຄື່ອນໄຫວຕອບສະຫນອງວັນປື້ມຫວຽດນາມ.”