ກຳ່ປັ່ນ USS Decatur
(ພາບ: Sputniknews)
|
(vovworld) – ວັນທີ 21/10, ທຳນຽບຂາວໄດ້ຖະແຫຼງວ່າການເຄື່ອນໄຫວຫຼ້າສຸດຂອງກອງທັບເຮືອ ອາເມລິກາ ບົນທະເລ ແມ່ນເພື່ອແນໃສ່ຈຸດປະສົງສະແດງສິດເສລີໃນການໄປ - ມາຢູ່ເຂດທະເລສາກົນໂດຍສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS) ອະນຸຍາດ ແລະ ຈີນ ບໍ່ຄວນຖືນີ້ແມ່ນການກະທຳເກາະຜິດ. ກ່າວຄຳເຫັນທີ່ການປະຊຸມຂ່າວ, ທ່ານ Josh Earnest, ໂຄສົກທຳນຽບຂາວ ກໍ່ຢັ້ງຢືນວ່າ: ອາເມລິກາ ບໍ່ແມ່ນຝ່າຍຂັດແຍ້ງກັນຢູ່ທະເລຕາເວັນອອກ ແລະ ທັດສະນະຂອງ ວໍຊິງຕັນ ນັ້ນແມ່ນການຂັດແຍ້ງກັນຢູ່ທີ່ນີ້ຕ້ອງໄດ້ຮັບການແກ້ໄຂຜ່ານການເຈລະຈາ ຫາກບໍ່ແມ່ນການບັງຄັບ, ນຳໃຊ້ກຳລັງອາວຸດ ຫຼື ການນາບຂູ່.
ກ່ອນໜ້ານັ້ນ, ໃນວັນດຽວກັນ, ທຳນຽບຂາວ ກໍ່ຮັບຮອງວ່າ: ກຳ່ປັ່ນ USS Decatur ຂອງກອງທັບເຮືອ ອາເມລິກາ ໄດ້ເຄື່ອນໄຫວຢູ່ໃກ້ກັບໝູ່ເກາະຮ່ວາງຊາ ແລະ ປະຕິບັດການເຄື່ອນໄຫວນີ້ຢ່າງເປັນປົກກະຕິ ແລະ ຖືກຕ້ອງຕາມກົດໝາຍ. ແລະກໍ່ໃນວັນດຽວກັນ, ກະຊວງປ້ອງກັນປະເທດ ຈີນ ໄດ້ຄັດຄ້ານໃນທັນທີ ແລະ ຖືວ່າການເຄື່ອນໄຫວລາດຕາເວນຂອງກຳ່ປັ່ນສູ້ຮົບ ອາເມລິກາ ຢູ່ ທະເລຕາເວັນອອກ ແມ່ນຜິດກົດໝາຍ ແລະ ມີລັກສະນະ “ເກາະຜິດ”, ພ້ອມທັງໃຫ້ຮູ້ວ່າ ໄດ້ສະແດງການຄັດຄ້ານຕໍ່ຝ່າຍ ອາເມລິກາ.