(ພາບປະກອບ)
(vovworld) – ວັນທີ 28/11 ທຳນຽບຂາວຢືນຢັນວ່າ ເລື່ອງຜູ້ນຳປະຕິວັດ ກູບາ Fidel Castro Ruz ເຖິງແກ່ມໍລະນະກຳ ບໍ່ອາດເຮັດໃຫ້ບັນດາຄວາມມານະພະຍາຍາມຂອງ ອາເມລິກາ ໃນການສ້າງສາຍພົວພັນເປັນປົກກະຕິກັບ ກູບາ ຊັກຊ້າໄວ້. ໂຄສົກທຳນຽບຂາວທ່ານ Josh Earnest ຊີ້ແຈ້ງວ່າ: ວິວັດທະນາການ “ສ້າງ” ການພົວພັນທາງການທູດ 2 ຝ່າຍ ໄດ້ປະກົດຜົນເປັນຈິງດ້ວຍບັນດາການພົວພັນດ້ານເສດຖະກິດໃໝ່ ກໍ່ຄືບັນດາຂໍ້ຕົກລົງດ້ານການຄ້າຍາກທີ່ຈະທຳລາຍໄດ້ຄືເລື່ອງ ເຊື່ອມຕໍ່ບັນດາສາຍການບິນດ້ານການຄ້າຄືນໃໝ່ ກໍຄືເພີ່ມການລົງທຶນຂອງ ອາເມລິກາ ຕື່ມອີກ. ທ່ານ Earnest ເນັ້ນໜັກວ່າ ບໍ່ວ່າການກະທຳໃດໆ ທີ່ແນໃສ່ຕ່າວປີ້ນວິວັດທະນາການສ້າງການພົວພັນລະຫວ່າງ ອາເມລິກາ ແລະ ກູບາ ເປັນປົກກະຕິ ໃນ 2 ປີຜ່ານມາ “ ລ້ວນແຕ່ກໍ່ຜົນກະທົບຢ່າງໃຫຍ່ຫລວງ ທາງດ້ານເສດຖະກິດ” ເຖິງປະຊາຊົນ ກູບາ.