ອາເມລິກາເລີ່ມຕົ້ນການເລືອກຕັ້ງສະພາແຫ່ງຊາດກາງສະໄຫມ
ການປ່ອນບັດເລືອກຕັ້ງຢຸ່ລັດKentuckyໃນວັນທີ 4/11
AFP/TTXVN |
(vovworld)- ເວລາ 6 ໂມງຂອງວັນທີ 4/11 ຕາມເວລາອາເມລິກາ, ບັນດາສະຖານທີ່ປ່ອນບັດທຳອິດໃນການເລືອກຕັ້ງສະພາແຫ່ງຊາດ ກາງ ສະໄຫມ ຢູ່ ອາເມລິກາ ໄດ້ເປີດປະຕູເພື່ອຕ້ອນຮັບຜູ້ມີສິດເລືອກຕັ້ງມາປ່ອນບັດເລືອກຕັ້ງຄືນໃຫມ່ ສະມາຊິກສະພາຕ່ຳ 435 ທ່ານ ແລະ ສະມາຊິກສະພາສູງ 36 ທ່ານໃນຍອດຈຳນວນ 100 ທ່ານ ແລະ ຜູ້ວ່າການລັດ 36 ທ່ານ ໃນຍອດຈຳນວນ 50 ທ່ານ.
ການເລືອກຕັ້ງສະພາແຫ່ງຊາດ ກາງສະໄຫມ ຄັ້ງນີ້ໄດ້ຮັບຖືວ່າແມ່ນການປະເມີນຄວາມໄວ້ວາງໃຈຂອງອຳນາດການປົກຄອງປະທານາທິບໍດີ Barack Obama ແລະ ຈະຕັດສິນຂອບເຂດນຳໃຊ້ອຳນາດຂອງທ່ານໃນ 2 ປີສຸດທ້າຍຂອງອາຍຸການທີ2. ຕາມໝາກຜົນສຳຫລວດກ່ອນການເລືອກຕັ້ງ, ພັກສາທາລະນະ ອາດຈະຮັກສາສິດຄວບຄຸມຢູ່ສະພາຕ່ຳ. ສ່ວນຢູ່ສະພາສູງ ຈຳນວນສະມາຊິກສະພາສູງຂອງພັກສາທາລະນະ ອາດຈະເພີ່ມຂຶ້ນແຕ່ 45 ເຖິງ 52 ທ່ານ.
ຕາມໝາກຜົນລ້າສຸດທີ່ປະກາດໃນຕອນທ່ຽງວັນທີ 5/11(ຕາມເວລາຫວຽດນາມ), ການເລືອກຕັ້ງສະພາແຫ່ງຊາດກາງສະໄຫມຂອງອາເມລິກາ ໃຫ້ເຫັນວ່າ: ພັກສາທາລະນະ ຍາດໄດ້ 7 ທີ່ນັ່ງຕື່ມອີກທີສະພາສູງ ພ້ອມທັງສືບຕໍ່ຮັກສາ 15 ທີ່ນັ້ງເລືອກຕັ້ງຄືນໃຫມ່ ຊ່ວຍໃຫ້ພັກນີ້ກວມເອົາ 52/100 ທີ່ນັ່ງຢູ່ສະພາສູງ.
Nhat Quynh, ນັກຂ່າວ VOV ປະຈຳ ອາເມລິກາ