ອາເມລິກາ ດັບສູນຫົວໂປ່ຂັ້ນສູງຂອງ al-Qaeda ຢູ່ຊີຣີ
(VOVWORLD) -ຫົວໂປ່ຂັ້ນສູງຂອງເຄືອຂ່າຍກໍ່ການຮ້າຍສາກົນ al-Qaeda ຖືກເຮືອບິນບໍ່ມີຄົນຂັບອາເມລິກາ ດັບສູນ ຢູ່ເຂດຕາເວັນຕົກສ່ຽງເໜືອປະເທດຊີຣີ.
(ພາບປະກອບ: AFP/TTXVN)
ວັນທີ 22 ຕຸລາ, ທຳນຽບ 5 ແຈໄດ້ອອກແຈ້ງການໃຫ້ຮູ້ວ່າ: Abdul Hamid al-Matar, ຫົວໂປ່ຂັ້ນສູງຂອງເຄືອຂ່າຍກໍ່ການຮ້າຍສາກົນ al-Qaeda ຖືກເຮືອບິນບໍ່ມີຄົນຂັບອາເມລິກາ ດັບສູນ ໃນການບຸກໂຈມຕີທາງອາກາດ ຢູ່ເຂດຕາເວັນຕົກສ່ຽງເໜືອປະເທດຊີຣີ.
ເຫດບຸກໂຈມຕີທາງອາກາດດັ່ງກ່າວ ໄດ້ດຳເນີນໃນເວລາບໍ່ດົນ ພາຍຫຼັງຖານທີ່ໝັ້ນ Al-Tanf ຂອງອາເມລິກາ ຢູ່ຊີຣີ ຖືກເຮືອບິນບໍ່ມີຄົນຂັບບຸກໂຈມຕີ. ນີ້ແມ່ນຖານທີ່ໝັ້ນຕັ້ງຢູ່ທາງທິດໃຕ້ປະເທດຊີຣີ, ຖືກສ້າງຂຶ້ນເມື່ອປີ 2016 ໃນຂອບເຂດບັ້ນຮົບຕ້ານ IS ໂດຍອາເມລິກາ ນຳໜ້້າ. ຖານທີ່ໝັ້ນແຫ່ງນີ້ ຢູ່ມໍ່ກັບດ່ານຊາຍແດນ Tanf ຂອງຊີຣີ ກັບອີຣັກ ແລະ ຈໍແດນ ແຕ່ລັດຖະບານຊີຣີ ໄດ້ປະຕິເສດທະຫານອາເມລິກາ ທີ່ມາຕັ້ງທັບຢູ່ທີ່ນີ້ ຫຼາຍເທື່ອແລ້ວ.