(ພາບປະກອບ: AFP/TTXVN)

ວັນທີ 26 ຕຸລາ, ກະຊວງການຕ່າງປະເທດ ອາເມລິກາ ໄດ້ຕຳໜິຕິຕຽນຢ່າງຮຸນແຮງຕໍ່ເລື່ອງ ອິດສະຣາແອັນ ຂະຫຍາຍເຂດຕັ້ງຖິ່ນຖານຄົງທີ່ຢູ່ຝັ່ງຕາເວັນຕົກແມ່ນ້ຳ ຈໍແດນ. ນີ້ແມ່ນຄັ້ງທຳອິດທີ່ອຳນາດການປົກຄອງຂອງປະທານາທິບໍດີ Joe Biden ສະແດງທັດສະນະຄັດຄ້ານຕໍ່ການກະທຳຜິດກົດໝາຍນີ້ ຂອງ ອິດສະຣາແອັນ ຢູ່ເຂດດິນແດນຢຶດຄອງຂອງຊາວ ປາແລັດສະຕິນ.

        ທ່ານ Ned Price ໂຄສົກກະຊວງການຕ່າງປະເທດ ອາເມລິກາ ເນັ້ນໜັກວ່າ ການຂະຫຍາຍເຂດຕັ້ງຖິ່ນຖານຄົງທີ່ ແມ່ນການກະທຳທີ່ໄປຝືນກັບຄວາມມານະພະຍາຍາມຫຼຸດຜ່ອນຄວາມເຄັ່ງຕຶງ ແລະ ຮັກສາສະຖຽນລະພາບ, ພ້ອມທັງທຳລາຍແງ່ຫວັງຂອງມາດຕະການຄົງຕົວໂດຍສອງລັດ ໃນການປະທະກັນລະຫວ່າງ ອິດສະຣາແອັນ - ປາແລັດສະຕິນ. ທ່ານ Ned Price ໃຫ້ຮູ້ວ່າ ອາເມລິກາ ຖືແຜນການຫັນເຂດຕັ້ງຖິ່ນຖານຄົງທີ່ທີ່ຜິດກົດໝາຍ ເປັນຄວາມຖືກຕ້ອງຕາມກົດໝາຍນັ້ນ ແມ່ນ “ບໍ່ອາດຍອມຮັບໄດ້.”