ທ່ານຮອງລັດຖະມົນຕີການຕ່າງປະເທດ ອາເມລິກາ Stephen Biegun ກັບທ່ານ Lee Do – hoon, ທູດພິເສດ ຂອງ ສ.ເກົາຫຼີ ກ່ຽວກັບບັນຫາ ສປປ.ເກົາຫຼີ  (ພາບ:YONHAP/TTXVN)

        ໃນການຢ້ຽມຢາມຄັ້ງນີ້, ທ່ານຮອງລັດຖະມົນຕີການຕ່າງປະເທດ ອາເມລິກາ Stephen Biegun ໄດ້ມີການເຈລະຈາກັບ ທ່ານຮອງລັດຖະມົນຕີການຕ່າງປະເທດທີ 1 ຂອງ ສ.ເກົາຫຼີ Cho Sei – young ແລະ ທ່ານ Lee Do – hoon, ທູດພິເສດ ຂອງ ສ.ເກົາຫຼີ ກ່ຽວກັບບັນຫາ ສປປ.ເກົາຫຼີ ເພື່ອປຶກສາຫາລືກ່ຽວກັບ ສະພາບການຢູ່ ສປປ.ເກົາຫຼີ ແລະ ບັນດາບັນຫາອື່ນໆອີກ. ທ່ານ Stephen Biegun ຍັງໄດ້ພົບປະກັບທ່ານລັດຖະມົນຕີການຕ່າງປະເທດ ສ.ເກົາຫຼີ Kang Kyung – wha ໃນເວລາສັ້ນອີກດ້ວຍ.  ນອກຈາກການສະແດງໃຫ້ເຫັນການສະໜັບສະໜູນຢ່າງແຮງຕໍ່ການພົວພັນຮ່ວມມືລະຫວ່າງ ສ.ເກົາຫຼີ ແລະ ສປປ.ເກົາຫຼີຂອງ ວໍຊິງຕັນ ແລະ ຢັ້ງຢືນຄືນໃໝ່ວ່າ ອາເມລິກາ ພ້ອມແລ້ວທີ່ຈະເຊື່ອມຕໍ່ການເຈລະຈາຄືນໃໝ່ກັບ ສປປ.ເກົາຫຼີ ບໍ່ວ່າໃນຈຸດເວລາໃດ ແລ້ວ, ທ່ານ Stephen Biegun ຍັງໄດ້ເນັ້ນໜັກເຖິງພັນທະມິດອັນໝັ້ນແກ່ນ ລະຫວ່າງ ວໍຊີງຕັນ ແລະ ເຊີອູນ ຕື່ມອີກ.

        ກ່ອນທີ່ຈະອອກຈາກ ສ.ເກົາຫຼີ ເພື່ອເດີນທາງໄປຍັງ ຍີ່ປຸ່ນ, ທ່ານ Stephen Biegun ໄດ້ມີການພົບປະກັບ ທ່ານ Suh Hoon - ທີ່ປຶກສາດ້ານຄວາມໝັ້ນຄົງແຫ່ງຊາດ ສ.ເກົາຫຼີ ຄົນໃໝ່ຢູ່ ທໍານຽບຂຽວ. ສອງຝ່າຍໄດ້ປຶກສາຫາລືກ່ຽວກັບວິທີເພື່ອຊຸກຍູ້ວິວັດທະນາການສ້າງສັນຕິພາບຢູ່ແຫຼມເກົາຫຼີ ແລະ ເຫັນດີນໍາກັນວ່າ ຕ້ອງເຊື່ອມຕໍ່ການເຈລະຈາ ນິວເຄຼຍ ຄືນໃໝ່່.