(ພາບປະກອບ:  AFP/TTXVN)

ວັນທີ 18 ກຸມພາ, ທຳນຽບ  5 ແຈ ໄດ້ປະກາດວ່າ ບັນດາກຳລັງ ອາເມລິກາ ຢູ່ທະເລແດງ “ໄດ້ປະຕິບັດສຳເລັດການບຸກໂຈມຕີ 5 ຄັ້ງ ທີ່ມີລັກສະນະປ້ອງກັນຕົວ” ແນໃສ່ສະກັດກັ້ນບັນດາການບຸກໂຈມຕີຢູ່ເຂດດິນຕໍ່ແຜ່ນ ແລະ ທະເລ ຈາກເຂດຕ່າງໆໂດຍກຳລັງ Houthi ຄວບຄຸມຢູ່ ເຢແມນ.     

ໃນຂະນະນັ້ນ, ກອງບັນຊາການສູນກາງຂອງກອງທັບ ອາເມລິກາ (CENTCOM) ກໍ່ຢັ້ງຢືນວ່າ ກຳລັງດັ່ງກ່າວ ໄດ້ບຸກໂຈມຕີດ້ວຍລູກສອນໄຟນຳວິຖີຕ້ານກ່ຳປັ່ນເຄື່ອນທີ່ 3 ລູກ, ພາຫະນະບໍ່ມີຄົນຂັບດຳນ້ຳ UUV  ແລະ ເຮືອກາໂນບໍ່ມີຄົນຂັບ (USV). CENTCOM ໃສ່ໃຈວ່າ ນີ້ເປັນຄັ້ງທຳອິດທີ່ເຫັນປະຈັກຕາກຳລັງ Houthi ຜັນຂະຫຍາຍ UUV ນັບແຕ່ເມື່ອເລີ່ມບຸກໂຈມຕີໃນວັນທີ 23 ຕຸລາ ເປັນຕົ້ນມາ. CENTCOM  ຢັ້ງຢືນວ່າ ບັນດາລູກສອນໄຟ ແລະ ພາຫະນະດັ່ງກ່າວ ແມ່ນໄພນາບຂູ່ທີ່ໃກ້ຈະເກີດຂຶ້ນສຳລັບກ່ຳປັ່ນຮົບ ແລະ ກ່ຳປັ່ນການຄ້າຂອງ ອາເມລິກາ ໃນເຂດດັ່ງກ່າວ. ບັນດາບັ້ນຊ້ອມຮົບເຫຼົ່ານັ້ນຂອງກອງທັບ ອາເມລິກາ ແມ່ນເພື່ອແນໃສ່ຈຸດປະສົງ “ເຮັດໃຫ້ເຂດທະເລສາກົນກາຍເປັນເຂດທີ່ປອດໄພກວ່າ”.