ອາເມລິກາ ເອົາຊື່ ຫວຽດນາມ ອອກຈາກບັນຊີລາຍຊື່ບັນດາສະຖານທີ່ມີຄວາມສາມາດຕິດແປດໄວຣັດ SARS-CoV-2
(VOVWORLD) - ວັນທີ 27 ກຸມພາ, ໃນຂອບເຂດການແລກປ່ຽນເປັນປະຈຳກັບບັນດາອົງການສາທາລະນະສຸກຂອງ ອາເມລິກາ, ສະຖານທູດ ຫວຽດນາມ ປະຈຳ ອາເມລິກາ ໄດ້ຈັດຕັ້ງກອງປະຊຸມອອນລາຍ (telecomference) ກັບກະຊວງການຕ່າງປະເທດ, ກະຊວງສາທາລະນະສຸກ ແລະ ບໍລິການເພື່ອຊີວິດມະນຸດ, ສູນຄວບຄຸມ ແລະ ສະກັດກັ້ນໂລກພະຍາດຂອງ ອາເມລິກາ (CDC).
 ອາເມລິກາ ເອົາຊື່ ຫວຽດນາມ ອອກຈາກບັນຊີລາຍຊື່ບັນດາສະຖານທີ່ມີຄວາມສາມາດຕິດແປດໄວຣັດ SARS-CoV-2 (ພາບ: TTXVN) |
ທີ່ກອງປະຊຸມ, ບັນດາຜູ້ຕາງໜ້າຂອງ CDC ແລະ ຫ້ອງການບັນດາບັນຫາທົ່ວໂລກ, ຫ້ອງການອາຊີ - ປາຊີຟິກຂອງກະຊວງສາທາລະນະສຸກ ແລະ ບໍລິການຊີວິດເພື່ອມະນຸດ ອາເມລິກາ ໄດ້ຕີລາຄາສູງບັນດາຄວາມມານະພະຍາຍາມຂອງລັດຖະບານ ຫວຽດນາມ ໃນວຽກງານປ້ອງກັນ, ຕ້ານໂລກລະບາດອັກເສບປອດ Covid-19 ເຊິ່ງບັນລຸໄດ້ໝາກຜົນຢ່າງຕັ້ງໜ້າ, ວຽກງານຕິດຕາມກວດກາ, ການແຍກຕົວ ແລະ ປິ່ນປົວໄດ້ຮັບການຜັນຂະຫຍາຍຢ່າງຄົບຊຸດ. ບົນພື້ນຖານການຕີລາຄາສະພາບຕົວຈິງນັ້ນ, CDC ໄດ້ຕົກລົງເອົາຊື່ ຫວຽດນາມ ອອກຈາກບັນຊີລາຍຊື່ບັນດາສະຖານທີ່ມີຄວາມສາມາດຕິດແປດໄວຣັດ SARS-CoV-2 ອອກສູ່ວົງຄະນະຍາດ.