ຮັບປະກັນຊີວິດສັງຄົມ, ເພື່ອບັນລຸຜົນງານກ່ຽວກັບການມອບສິດໃຫ້ແມ່ຍິງ ແລະ ເດັກຍິງ
ທ່ານນາງ ຟ້າມທິຫາຍຈ່ວຽນ, ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ
(ພາບປະກອບ)
(vovworld) - ວັນທີ 31/3, ຢູ່ຮ່າໂດຍ, ອົງການສະຫະປະຊາຊາດກ່ຽວກັບຄວາມສະເໝີພາບລະຫວ່າງຍິງຊາຍ ແລະ ມອບສິດໃຫ້ແກ່ແມ່ຍິງ UN Women) ສົມທົບກັບກະຊວງແຮງງານ, ທະຫານເສຍອົງຄະ ແລະ ສັງຄົມຈັດຕັ້ງການໂອ້ລົມສົນທະນາກ່ຽວກັບນະໂຍບາຍ ”ເພີ່ມທະວີການເຂົ້າຮ່ວມຂອງແມ່ຍິງ ແລະ ເດັກຍິງໃນລະບົບຮັບປະກັນຊີວິດສັງຄົມ: ບຸລິມາສິດແກ່ການພັດທະນາ”.
ກ່າວຄວາມເຫັນຢູ່ທີ່ນີ້, ທ່ານນາງ ຟ້າມທິຫາຍຈ່ວຽນ, ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ, ເນັ້ນໜັກວ່າ, ການພັດທະນາລະບົບຮັບປະກັນຊີວິດສັງຄົມ ແມ່ນໜຶ່ງໃນບັນດາບຸລິມາສິດອັນດັບໜຶ່ງໃນຍຸດທະສາດພັດທະນາເສດຖະກິດ - ສັງຄົມຂອງຫວຽດນາມ. ພ້ອມກັບການເອົາໃຈໃສ່ເບິ່ງແຍງເຖິງການຮັບປະກັນຊີວິດສັງຄົມແລ້ວ, ພັກ ແລະ ລັດຫວຽດນາມ ຍັງເອົາໃຈໃສ່ທີ່ສຸດເຖິງຄວາມສະເໝີພາບລະຫວ່າງຍິງຊາຍ. ມີຫຼາຍນະໂຍບາຍສຳຄັນກ່ຽວກັບຄວາມສະເໝີພາບລະຫວ່າງຍິງຊາຍໄດ້ຮັບການປະກາດໃຊ້ ແລະ ຜັນຂະຫຍາຍ ເພື່ອສ້າງກອບກົດໝາຍ ແລະ ສະພາບແວດລ້ອມທີ່ສະດວກໃຫ້ແກ່ການປະຕິບັດຄວາມສະເໝີພາບລະຫວ່າງຍິງຊາຍເວົ້າລວມ ແລະ ໃນຂົງເຂດຮັບປະກັນຊີວິດສັງຄົມເວົ້າສະເພາະ. ສ່ວນທ່ານນາງ Phumzile mlambo Ngcuka, ຮອງເລຂາທິການໃຫຍ່ສະຫະປະຊາຊາດ, ທັງເປັນຜູ້ອຳນວຍການຝ່າຍບໍລິຫານ UN Women ກໍ່ໃຫ້ຄຳໝັ້ນສັນຍາວ່າ ຈະສືບຕໍ່ໜູນຊ່ວຍບັນດາຄວາມມານະພະຍາຍາມຂອງລັດຖະບານຫວຽດນາມໃນການເພີ່ມທະວີການຮັບປະກັນຊີວິດສັງຄົມ ແລະ ຄວາມຍຸຕິທຳໃນສັງຄົມ.