ຮູບເງົາ“ທົ່ງນາບໍ່ມີວັນສິ້ນສຸດ”ຂອງຫວຽດນາມດຶງດູດຄວາມສົນໃຈຢູ່ສຳນັກງານສະຫະປະຊາຊາດ
(ພາບອິນເຕີແນັດ)
(vovworld) – ວັນທີ 11/9, ໃນຂອບເຂດບັນດານການເຄື່ອນໄຫວງານມະໂຫລານຮູບເງົາ ອາຊຽນ, ຄະນະປະຕິບັດງານການທູດ ຫວຽດນາມ ປະຈຳສະຫະປະຊາຊາດ, ອົງການການຄ້າໂລກ (WTO) ແລະ ບັນດາອົງການຈັດຕັ້ງສາກົນອື່ນໆຢູ່ Geneva ໄດ້ຈັດຕັ້ງສາຍຮູບເງົາ ຫວຽດນາມ ທີ່ສຳນັກງານສະຫະປະຊາຊາດ ຢູ່ Geneva ປະເທດ ສະວິດ. ຕາມນັ້ນ, ຮູບເງົາ “ທົ່ງນາບໍ່ມີວັນສິ້ນສຸດ” ຂອງຜູ້ກຳກັບການສະແດງ ຫງວຽນຟານກວາງບິ່ງ ໄດ້ຮັບການເລືອກເຟັ້ນນຳມາສາຍໃນໂອກາດນີ້, ອັນໄດ້ດຶງດູດຄວາມສົມໃຈຂອງເພື່ອນມິດສາກົນຢ່າງຫລວງຫລາຍ. ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດ, ຮອງຫົວໜ້າຄະນະປະຕິບັດງານການທູດ ຫວຽດນາມ
ຟ້າມກວກຈຸ້ ຢືນຢັນວ່າ: ໃນບັນດາຂົງເຂດການຮ່ວມມື, ພັດທະນາວັດທະນະທຳລະຫວ່າງບັນດາປະເທດປະກອບມີສຳຄັນ, ເປັນຂົວຕໍ່ໃຫ້ການເພີ່ມທະວີຄວາມເຂົ້າໃຈລະຫວ່າງບັນດາປະເທດ ແລະ ເພື່ອນມິດສາກົນ. ພ້ອມກັບວິວັດການເຊື່ອມໂຍງຂອງປະເທດຊາດ, ໂຄສະນາເຜີຍແຜ່ ຫວຽດນາມ ໂດຍຜ່ານຮູບເງົາ ຈະຊ່ວຍເພື່ອນມິດສາກົນ ແລະ ປະເທດເຈົ້າພາບເຂົ້າໃຈແຈ້ງກ່ວາກ່ຽວກັບວັດທະນະທຳຮູບເງົາ ຫວຽດນາມ.