ລູກລະເບີດບໍ່ທັນແຕກ
ພາບ: internet
|
(vovworld) - ວັນທີ 12/12, ຢູ່ຕາແສງ ຮ່ວາກູຍ ເມືອງ ຫງູແຮ່ນເຊີນ ນະຄອນ ດາຫນັ໋ງ, ສູນເກັບກູ້ລູກລະເບີດເລກ 20 ສັງກັດບໍລິສັດໃຫຍ່ 36 ກະຊວງປ້ອງກັນປະເທດ ຫວຽດນາມ ໄດ້ທຳລາຍລູກລະເບີດໃຫຍ່ປະເພດ MK82 ທີ່ຍັງຕົກຄ້າງຫລັງສົງຄາມສຳເລັດ ແລະ ຍົກຂຶ້ນຫນ້າດິນຢ່າງປອດໄພ. ຕາມກອງບັນຊາການທະຫານນະຄອນ ດາຫນັ໋ງ ແລ້ວ, ປີ 2012, ບົນພື້ນຖານແຫລ່ງງົບປະມານແຫ່ງລັດ ຫນູນຊ່ວຍເພື່ອແກ້ໄຂເຂດດິນຖືກມົນລະພິດຍ້ອນລູກລະເບີດຍັງຕົກຄ້າງຫລັງສົງຄາມ, ກອງບັນຊາການທະຫານນະຄອນ ດາຫນັງ ໄດ້ສົມທົບກັບບັນດາກຳລັງທະຫານຊ່າງແສງສະເພາະກິດຂຶ້ນກັບກະຊວງປ້ອງກັນປະເທດ ໄດ້ດຳເນີນການເກັບກູ້ລູກລະເບີດບໍ່ທັນແຕກ. ມາຮອດປະຈຸບັນ ມີເນື້ອທີ່ດິນ 2.500 ເຮັກຕາທີ່ຖຶກມົນລະພິດຈາກລູກລະເບີດໄດ້ຮັບການແກ້ໄຂແລ້ວ . ແລະ ທີ່ດິນດັ່ງກ່າວໄດ້ສ້າງເງື່ອນໄຂໃຫ້ທ້ອງຖິ່ນວາງແຜນກຳນົດພັດທະນາເສດຖະກິດສັງຄົມເພື່ອໃຫ້ປະຊາຊົນມີທີ່ດິນຕື່ມອີກເພື່ອທຳການຜະລິດ.