ເລື່ອງວິສາຫະກິດແຖວໜ້າຫຼາຍແຫ່ງຂອງຝລັ່ງ ມາຫວຽດນາມ ເພື່ອຊອກຫາກາລະໂອກາດລົງທຶນຢູ່ຫວຽດນາມ ແມ່ນກາລະໂອກາດເພື່ອໃຫ້ 2 ຝ່າຍຮັບຟັງຄຳເຫັນຂອງກັນ, ພ້ອມກັນຊຸກຍູ້ການຮ່ວມມື, ລົງທຶນຂອງຫວຽດນາມ - ຝລັ່ງ ໃຫ້ເພີ່ມຂຶ້ນສູງກວ່າອີກ. ຄະນະຜູ້ແທນຂອງເກືອບ 50 ວິສາຫະກິດ, ນັກທຸລະກິດແຖວໜ້າຂອງຝລັ່ງ ນຳໂດຍທ່ານ Thierry Mathou, ຫົວໜ້າກົມອາຊີ, ກະຊວງການຕ່າງປະເທດຝລັ່ງ ເປັນຫົວໜ້າຄະນະ, ໄດ້ໄປຊອກຮູ້ກາລະໂອກາດລົງທຶນຢູ່ຫວຽດນາມ, ເນື່ອງໃນໂອກາດການຢ້ຽມຢາມຫວຽດນາມ ຢ່າງເປັນທາງການຂອງທ່ານນາຍົກລັດຖະມົນຕີຝລັ່ງ Edouard Philippe. ທ່ານ Thierry Mathou ຖືວ່າ, ການຮ່ວມມືດ້ານເສດຖະກິດລະຫວ່າງ 2 ຝ່າຍຍັງສາມາດພັດທະນາໃຫ້ດີກວ່າອີກ ແລະ ເຊື່ອໝັ້ນວ່າ ຝລັ່ງ ມີບົດຮຽນໃນບັນດາຂົງເຂດຕ້ານສິນຄ້າປອມ, ຊັບສິນທາງປັນຍາ, ສາທາລະນະສຸກ, ການພັດທະນາເຕັກໂນໂລຊີດິຈີຕອນ, ຕົວເມືອງອັດສະລິຍະຢ່າງພຽງພໍ ເພື່ອຮ່ວມມື, ລົງທຶນຢູ່ຫວຽດນາມ.