(vovworld) – ຕອນບ່າຍວັນທີ 23/6, ທ່ານ ເລຮ່ວາງກວນ, ປະທານຄະນະກຳມະການປະຊາຊົນນະຄອນ ໂຮ່ຈີມິນ ໄດ້ຕ້ອນຮັບທ່ານຮອງນາຍົກລັດຖະມົນຕີ ລາວ ສົມສະຫວາດ ເລັ່ງສະຫວັດ, ທີ່ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ. ຕາມທ່ານສົມສະຫວາດ ເລັ່ງສະຫວັດ ແລ້ວ, ການຢ້ຽມຢາມຂອງຄະນະມາຍັງ ຫວຽດນາມ ຄັ້ງນີ້ເພື່ອແນໃສ່ຊອກຮູ້, ຮຳ່ຮຽນເອົາບົດຮຽນໃນຂົງເຂດພັດທະນາວິທະຍາສາດເຕັດໂລໂນຢີ, ວັດແທກຄຸນນະພາບ. ເມື່ອແບ່ງປັນບັນດາບັນຫາກ່ຽວຂ້ອງເຖິງເລື່ອງພັດທະນາວິທະຍາສາດເຕັກໂນໂລຢີ, ທ່ານ ເລຮ່ວາງກວນ ໃຫ້ຮູ້ວ່າ: ນະຄອນ ໂຮ່ຈີມິນ ພ້ອມແລ້ວທີ່ຈະແບ່ງປັນບັນດາບົດຮຽນ, ໜູນຊ່ວຍ ລາວ ໃນການຄົ້ນຄ້ວາ, ພັດທະນາບັນດານະໂຍບາຍໃນການພັດທະນຂົງເຂດເສດຖະກິດພຸມປັນຍາ, ວິທະຍາສາດເຕັກໂນໂລຢີສູງ, ຊອບແວ, ອຸດສາຫະກຳເຕັກໂນໂລຢີສູງ. ນະຄອນ ໂຮ່ຈີມິນ ສ້າງເງື່ອນໄຂໃຫ້ ລາວ ໄປຢາມ, ຊອກຮູ້ບັນດາຮູບແບບພັດທະນາເຕັກໂນໂລຢີສູງຢູ່ບັນດາຮາກຖານ, ຫົວໜ່ວຍ ເຊິ່ງນະຄອນໄດ້ປະຕິບັດສຳເລັດໃນເບື້ອງຕົ້ນຄື: ເຂດເຕັກໂນໂລຢີສູງຢູ່ເມືອງ 9, ເຂດກະສິກຳເຕັດໂນໂລຢີສູງຢູ່ເມືອງ ກູ້ຈີ ແລະ ສວນສາທາລະນະຊອບແວ ກວາງຈູງ ຢູ່ເມືອງ 12.