(vovworld) – ຕອນບ່າຍວັນທີ 1/8, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໃຫ້ການຕ້ອນຮັບຄະນະພະນັກງານ, ສະມາຊິກສະມາຄົມອະດີດຊາວໜຸ່ມຕະລຸມບອນນະຄອນ ຕາມກີ່ (ແຂວງ ກວາງນາມ), ເນື່ອງໃນໂອກາດຄະນະມາຢ້ຽມຢາມນະຄອນຫຼວງ ຮ່າໂນ້ຍ ແລະ ເຂົ້າໄຫວ້ອາໄລທີ່ສຸສານປະທານ ໂຮ່ຈີມິນ. ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຕີລາຄາສູງບັນດາການອຸທິດສ່ວນອັນໃຫຍ່ຫຼວງ ແລະ ການເສຍສະຫຼະເລືອດເນື້ອຂອງກຳລັງຊາວໜຸ່ມຕະລຸມບອນໃນພາລະກິດຕໍ່ສູ້ກູ້ຊາດ ກໍ່ຄືໃນພາລະກິດສ້າງສາບ້ານເກີດເມືອງນອນ, ປະເທດຊາດ. ທ່ານຮອງນາຍົກລັດຖະມົນຕີ ຫວັງວ່າ ບັນດາອະດິດຊາວໜຸ່ມຕະລຸມບອນຈະເສີມຂະຫຍາຍບົດບາດເປັນແບບຢ່າງ, ສືບຕໍ່ມີການປະກອບສ່ວນໃຫ້ແກ່ພັກ, ລັດ. ທ່ານນາຍົກລັດຖະມົນຕີ ສະເໜີໃຫ້ແຂວງ ກວາງນາມ ສືບຕໍ່ເອົາໃຈໃສ່ສ້າງເງື່ອນໄຂຫຼາຍກ່ວາອີກ, ໃນຕໍ່ໜ້າແມ່ນປະຕິບັດບັນດານະໂຍບາຍຂອງພັກ, ລັດ ທີ່ມີຕໍ່ຊາວໜຸ່ມຕະລຸມບອນເປັນຢ່າງດີເພື່ອຮັບປະກັນສິດຜົນປະໂຫຍດໃຫ້ແກ່ເຂົາເຈົ້າ.