ທ່ານຮອງນາຍົກລັດຖະມົນຕີ ຫວຽດນາມ Vu Van Ninh ຕ້ອນຮັບທ່ານນາງ Karin Finkelston ຮອງປະທານບໍລິສັດການເງິນສາກົນ
ພາບ:tinmoi.vn |
(vovworld) - ວັນທີ 30/5, ຢູ່ ຮ່າໂນ້ຍ, ໃນການຕ້ອນຮັບທ່ານນາງ Karin Finkelston ຮອງປະທານບໍລິສັດການເງິນສາກົນ (IFC) ຮັບຜິດຊອບພາກພື້ນ ອາຊີ ປາຊີຟີກ ສັງກັດທະນາຄານໂລກ, ທ່ານຮອງນາຍົກລັດຖະມົນຕີ ຫວຽດນາມ Vu Van Ninh ຊົມເຊີຍການຢ້ຽມຢາມ ແລະ ເຮັດວຽກຢູ່ ຫວຽດນາມ ເປັນຄັ້ງທຳອິດຂອງທ່ານນາງ ໃນຖານະເປັນຮອງປະທານບໍລິສັດການເງິນສາກົນ ພາກພື້ນ ອາຊີ ປາຊິຟີກ. ທ່ານຮອງນາຍົກລັດຖະມົນຕີ Vu Van Ninh ເນັ້ນຫນັກເຖິງການຫນູນຊ່ວຍຂອງທະນາຄານໂລກ ແມ່ນຫນຶ່ງໃນບັນດາສະດວກເພື່ອຊ່ວຍ ຫວຽດນາມ ບັນລຸໄດ້ບັນດາຜົນງານທາງດ້ານເສດຖະກິດທີ່ພົ້ນເດັ່ນໃນຊຸມປີຜ່ານມາ, ເປັນຕົ້ນແມ່ນການລົບລ້າງຄວາມອຶດຫິວ ຫລຸດຜ່ອນຄວາມທຸກຍາກ ແລະ ການເຕີບໂຕເສດຖະກິດ. ທ່ານນາງ Karin Finkelston ຖືວ່າ: ເຖິງວ່າ ຍັງຕ້ອງປະເຊີນຫນ້າກັບສິ່ງທ້າທາຍຫລາຍຢ່າງ, ແຕ່ ຫວຽດນາມ ບັນລຸໄດ້ບັນດາຜົນງານເບື້ອງຕົ້ນໃນກິດຈະການລົບລ້າງຄວາມອຶດຫິວ ຫລຸດຜ່ອນຄວາມທຸກຍາກ ແລະ ປັບປຸງສະພາບແວດລ້ອມແຫ່ງການລົງທຶນເທື່ອລະກ້າວ. ບໍລິສັດການເງິນສາກົນ ພ້ອມແລ້ວ ທີ່ຈະແບ່ງປັນ ແລະ ຫນູນຊ່ວຍ ຫວຽດນາມ ແກ້ໄຂບັນດາຄວາມຫຍຸ້ງຍາກໃນປະຈຸບັນ.