ຮອງປະທານຜູ້ປະຈຳການສະພາແຫ່ງຊາດຫວຽດນາມຕ້ອນຮັບຮອງປະທານສະພາແຫ່ງຊາດລາວ
(VOVWORLD) -ຕອນບ່າຍວັນທີ 17 ພຶດສະພາ, ຢູ່ຫໍສະພາແຫ່ງຊາດ, ທ່ານນາງຮອງປະທານຜູ້ປະຈຳການສະພາແຫ່ງຊາດຫວຽດນາມ ຕ່ອງທິຟ໋ອງ ໄດ້ໃຫ້ການຕ້ອນຮັບທ່ານຮອງປະທານສະພາແຫ່ງຊາດ ສົມພັນ ແພງຄຳມີ ນຳໜ້າຄະນະຜູ້ແທນສະພາແຫ່ງຊາດລາວ ພວມມີການຢ້ຽມຢາມ ແລະ ເຮັດວຽກຢູ່ຫວຽດນາມ.
|
 (ທ່ານນາງຮອງປະທານຜູ້ປະຈຳການສະພາແຫ່ງຊາດຕ່ອງທິຟ໋ອງ
ຕ້ອນຮັບທ່ານຮອງປະທານສະພາແຫ່ງຊາດ ສົມພັນ ແພງຄຳມີ)
|
ທີ່ການຕ້ອນຮັບ, ທ່ານນາງຮອງປະທານຜູ້ປະຈຳການສະພາແຫ່ງຊາດ ຕ່ອງທິຟ໋ອງ ຢືນຢັນວ່າ, ສະພາແຫ່ງຊາດຫວຽດນາມ ຈະເຮັດຈົນສຸດຄວາມສາມາດຂອງຕົນ ພ້ອມກັບສະພາແຫ່ງຊາດລາວ ເພີ່ມທະວີການແລກປ່ຽນຂໍ້ມູນຂ່າວສານ, ບົດຮຽນໃນຂົງເຂດສ້າງກົດໝາຍ ກໍຄືປະຕິບັດບັນດາພາລະບົດບາດຕິດຕາມກວດກາ ແລະ ຕົກລົງບັນດາບັນຫາໃຫຍ່ຂອງແຕ່ລະປະເທດ…
ສ່ວນທ່ານຮອງປະທານສະພາແຫ່ງຊາດລາວ ສົມພັນ ແພງຄຳມີ ໄດ້ແຈ້ງໃຫ້ຊາບກ່ຽວກັບໝາກຜົນການຢ້ຽມຢາມ, ເຮັດວຽກຂອງຄະນະ ກັບ ຄະນະສະມາຊິກສະພາແຫ່ງຊາດ ແລະ ຄະນະປະຈຳສະພາປະຊາຊົນນະຄອນຫາຍຟ່ອງ. ສະແດງຄວາມປິຕິຊົມຊື່ນກ່ຽວກັບການພັດທະນາອັນດີງາມ, ປະສິດທິຜົນຂອງການພົວພັນສາມັກຄີແບບພິເສດ ແລະ ຮ່ວມມືຮອບດ້ານລະຫວ່າງລາວ - ຫວຽດນາມ ໃນທຸກຂົງເຂດ, ທ່ານຮອງປະທານສະພາແຫ່ງຊາດລາວ ປາດຖະໜາຢາກສືບຕໍ່ເພີ່ມທະວີການພົວພັນຮ່ວມມື, ມິດຕະພາບລະຫວ່າງສະພາແຫ່ງຊາດ 2 ປະເທດລາວ - ຫວຽດນາມ ກ່ວາອີກ.