ຮອງປະທານສະພາແຫ່ງຊາດ ຫງວຽນທິກິມເງິນ ຢ້ຽມຢາມ, ມອບຂອງຂວັນຢູ່ໂຮງໝໍຫົວໃຈ ຮ່າໂນ້ຍ
(ພາບ: na.gov.vn)
(vovworld) – ຕອນບ່າຍວັນທີ 17/7, ຢູ່ ຮ່າໂນ້ຍ, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ເຂົ້າຮ່ວມລາຍການຜ່າຕັດໂດຍບໍ່ເສຍຄ່າໃຫ້ແກ່ເດັກນ້ອຍທີ່ຖືກພະຍາດຫົວໃຈມາແຕ່ເກີດ ແລະ ຢື້ຢາມຖາມຂ່າວ, ມອບຂອງຂວັນບັນດາເດັກເປັນໂລກໝາກຫົວໃຈມາແຕ່ເກີດທີ່ພວມປິນປ່ົວພະຍາດຢູ່ໂຮງໝໍຫົວໃຈຮ່າໂນ້ຍ. ກ່າວຄຳເຫັນທີ່ລາຍການ, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນສະແດງຄວາມເບີກບານມ່ວນຊື່ນ ຍ້ອນວ່າພາຍຫຼັງການພົບປະຄັ້ງນີ້, ມີເດັກນ້ອຍ 60 ຄົນທີ່ເປັນໂລກຫົວໃຈມາແຕ່ເກີດຈະໄດ້ຮັບການຜ່າຕັດ, ພ້ອມທັງປາດຖະໜາວ່າ: ພາຍຫຼັງການຜ່າຕັດ ສຸຂະພາບຂອງພວກນ້ອງຈະຟື້ນຟູໂດຍໄວເພື່ອ ສືບຕໍ່ການຮຳ່ຮຽນ. ເນື່ອງໃນໂອກາດນີ້, ທ່ານນາງຮອງປະທານສະພາແຫ່ງຊາດ ກໍ່ຂອບອົກຂອບໃຈບັນດາອົງການ ແລະ ສ່ວນບຸກຄົນທັງຢູ່ພາຍໃນ ແລະ ຕ່າງປະເທດໄດ້ໜູນຊ່ວຍຄ່າຜ່າຕັດໃຫ້ແກ່ເດັກເປັນໂລກຫົວໃຈທີ່ປະສົບກັບຄວາມຫຍຸ້ງຍາກເວົ້າລວມ ແລະ ເດັກເປັນໂລກຫົວໃຈມາແ່ເກີດເວົ້າສະເພາະ, ພ້ອມທັງຫວັງວ່າ: ບັນດາອົງການ, ສ່ວນບຸກຄົນທັງຢູ່ພາຍໃນ ແລະ ຕ່າງປະເທດ ຈະຮ່ວມແຮງຮ່ວມໃຈເພື່ອໜູນຊ່ວຍການຜ່າຕັດໃຫ້ແກ່ເດັກນ້ອຍເປັນພະຍາດ, ພິເສດແມ່ນເດັກເປັນໂລກຫົວໃຈມາແຕ່ເກີດ.