(vovworld) - ການເຈລະຈາ Shangri La ຖືກໄຂຂຶ້ນໃນວັນທີ 03/06, ຢູ່ສິງກະໂປ, ດ້ວຍການເຂົ້າຮ່ວມຂອງບັນດາເຂົ້າໜ້າທີ່ ແລະ ນັກຊ່ຽວຊານດ້ານປ້ອງກັນຊາດ, ປ້ອງກັນຄວາມສະຫງົບຂອງກວ່າ 30 ປະເທດ. ຄະນະຜູ້ແທນຫວຽດນາມ ໂດຍທ່ານຮອງລັດຖະມົນຕີກະຊວງປ້ອງກັນປະເທດ ຫງວຽນຈິ໋ວິ້ງ ນຳໜ້າເຂົ້າຮ່ວມ Shangri La ຄັ້ງນີ້, ຈະມີການພົບປະ 2 ຝ່າຍ ແລະ ຫຼາຍຝ່າຍ ກໍຄືບົດປະກອບຄວາມເຫັນທີ່ບັນດາວາລະປະຊຸມຄົບຄະນະກ່ຽວກັບບັນດາຫົວຂໍ້ຮ້ອນເຮັ່ງຂອງຄວາມໝັ້ນຄົງໃນພາກພື້ນ, ໃນນັ້ນມີບັນຫາຂັດແຍ້ງກັນຢູ່ທະເລຕາເວັນອອກ.
ການເຈລະຈາ Shangri La ປີນີ້ ໄດ້ຍົກອອກບັນດາຫົວຂໍ້ສຳພັດໂດຍກົງ ເພື່ອແນໃສ່ແກ້ໄຂສະພາບເພີ່ມຄວາມເຄັ່ງຕຶງໃນພາກພື້ນຄື “ປະເຊີນໜ້າກັບບັນດາສິ່ງທ້າທາຍດ້ານປ້ອງກັນຄວາມສະຫງົບທີ່ສັບສົນຢູ່ອາຊີ”, “ຄວບຄຸມການແກ່ງແຍ້ງດ້ານການທະຫານຢູ່ອາຊີ”, “ສ້າງນະໂຍບາຍປ້ອງກັນຄວາມສະຫງົບໃນໄລຍະຕ່າງໆ ແລະ ເວລາບໍ່ໄດ້ກຳນົດ”… ຄະນະຜູ້ແທນຫວຽດນາມ ເຂົ້າຮ່ວມການເຈລະຈາ Shangri La ຄັ້ງນີ້, ທ່ານຫົວໜ້າສະຖາບັນພົວພັນສາກົນກະຊວງປ້ອງກັນປະເທດຫວຽດນາມ ວູຕຽນຈ້ອງ ໃຫ້ຮູ້ວ່າ, ຫົວໜ້າຄະນະຜູ້ແທນຫວຽດນາມ ຈະເຂົ້າຮ່ວມວາລະປະຊຸມຄົບຄະນະຄັ້ງທີ 4 ກ່ຽວກັບຫົວຂໍ້ “ບັນດາສິ່ງທ້າທາຍໃນການແກ້ໄຂການປະທະກັນຢູ່ພາກພື້ນ.”
“ແນ່ນອນວ່າ ຫວຽດນາມ ຈະຕີລາຄາຢ່າງຖືກຕ້ອງສະພາບການ, ບັນດາໄພນາບຂູ່ເຖິງຄວາມໝັ້ນຄົງ, ສະຖຽນລະພາບຢູ່ພາກພຶ້ນ ແລະ ຈະຍົກອອກບັນດາມາດຕະການແກ້ໄຂຢ່າງເໝາະສົມກັບກົດໝາຍສາກົນ ກໍຄືທັດນະນະ ແລະ ວິທິການເພື່ອໃຫ້ບັນດາຝ່າຍພ້ອມກັນຮ່ວມມື ແລະ ຕໍ່ສູ້ແກ້ໄຂການປະທະກັນໂດຍສັນຕິວິທີ ເພື່ອນຳມາເຊິ່ງຜົນປະໂຫຍດຢ່າງກົມກຽວລະຫວ່າງບັນດາຝ່າຍທີ່ກ່ຽວຂ້ອງ ກໍຄືຮັບປະກັນສັນຕິພາບ, ສະຖຽນລະພາບຢູ່ທະເລຕາເວັນອອກ”.