ພາບປະກອບ:internet
|
(vovworld)- ຕາມກົມໃຫຍ່ພາສີຫວຽດນາມ ແລ້ວ, ແຕ່ນີ້ຮອດທ້າຍປີ 2013 ຈະມີ ຕື່ມອີກ ວິສາຫະກິດ 8 ແຫ່ງ ໄດ້ຮັບບຸລິມະສິດເຮັດລະບຽບການພາສີ, ຍົກຈຳນວນວິສາຫະກິດໄດ້ຮັບບຸລິມະສິດ ຂຶ້ນປະມານ 22 ແຫ່ງ. ເພື່ອເຮັດໃຫ້ລາຍການ “ວິສາຫະກິດໄດ້ຮັບບຸລິມະສິດ” ໄດ້ຮັບການຜັນຂະຫຍາຍຢ່າງກວ້າງຂວາງກວ່າ, ດຶງດູດຫລາຍວິສາຫະກິດເຂົ້າຮ່ວມກວ່າ, ເປັນຕົ້ນແມ່ນວິສາຫະກິດສົ່ງອອກຜະລິດຕະພັນກະເສດ, ສິນໃນນ້ຳ, ວິສາຫະກິດຕຳ່ແຜ່ນຕັດຫຍິບ, ເກີບຫນັງ… ກົມໃຫຍ່ພາສີ ຫວຽດນາມ ຈະຫລຸດຜ່ອນເງື່ອນໄຂ ກ່ຽວກັບ ວົງເງິນຂາອອກ ຂາເຂົ້າ. ຕາມກົມໃຫຍ່ພາສີແລ້ວ, ພາຍຫລັງ 2 ປີແຫ່ງການຜັນຂະຫຍາຍ, ລາຍການວິສາຫະກິດບຸລິມະສິດນຳມາເຊິ່ງຜົນປະໂຫຍດຢ່າງແທດຈິງໃຫ້ແກ່ວິສາຫະກິດຄື: ຫລຸດຜ່ອນເວລາ, ລາຍຈ່າຍ, ຍ້ອນຍົກເວັ້ນການກວດກາສຳເນົາສິນຄ້າຕົວຈິງ..