ຮ່າໂນ້ຍ ຈັດຕັ້ງລາຍການ “ຮ່ວມແຮງຮ່ວມໃຈຍູ້ໂລກລະບາດໂຄວິດ - 19 ໃຫ້ຖອຍໄປ”
(VOVWORLD) -ໂດຍຕອບສະໜອງຕາມຄຳຮຽກຮ້ອງ “ທົ່ວປວງຊົນສາມັກຄີກັນ, ພະຍາຍາມປ້ອງກັນ, ຕ້ານໂລກລະບາດໂຄວິດ - 19” ຂອງທ່ານປະທານປະເທດ ແລະ ຄະນະປະທານ ຄະນະກຳມະການສູນກາງແນວໂຮມປະເທດຊາດ ຫວຽດນາມ, ຕອນຄ່ຳວັນທີ 19 ມິຖຸນາ, ຢູ່ ຫໍວັດທະນະທຳ ແຮງງານມິດຕະພາບ ຫວຽດນາມ - ລັດເຊຍ, ນະຄອນ ຮ່າໂນ້ຍ ໄດ້ຈັດຕັ້ງລາຍການ “ຮ່າໂນ້ຍ ຮ່ວມແຮງຮ່ວມໃຈຍູ້ໂລກລະບາດໂຄວິດ - 19 ໃຫ້ຖອຍໄປ.”
 ການສະແດງສິລະປະໃນລາຍການ “ຮ່ວມແຮງຮ່ວມໃຈຍູ້ໂລກລະບາດໂຄວິດ - 19 ໃຫ້ຖອຍໄປ” (ພາບ: VOV) |
ເຫດການດັ່ງກ່າວຖືກຈັດຂຶ້ນ ແມ່ນເພື່ອແນໃສ່ຂົນຂວາຍ, ປຸກລະດົມບັນດາອົງການຈັດຕັ້ງ, ວິສາຫະກິດ, ຫົວໜ່ວຍ ແລະ ສ່ວນບຸກຄົນ ສືບຕໍ່ຮ່ວມແຮງຮ່ວມໃຈໜູນຊ່ວຍ ແລະ ປະກອບສ່ວນເຂົ້າໃນວຽກງານຕ້ານໂລກລະບາດ ໂຄວິດ - 19 ແລະ ສັກວັກຊິນກັນພະຍາດໂຄວິດ - 19 ຂອງນະຄອນ. ລາຍການດັ່ງກ່າວ ກໍຮັບຮູ້ ແລະ ຊົມເຊີຍບັນດາວິສາຫະກິດ, ອົງການ, ສ່ວນບຸກຄົນທີ່ດີເດັ່ນ ແລະ ຕັ້ງໜ້າປະກອບກຳລັງເຂົ້າໃນວຽກງານປ້ອງກັນ, ສະກັດກັ້ນໂລກລະບາດ ໂຄວິດ - 19. ກ່າວຄຳເຫັນທີ່ເຫດການດັ່ງກ່າວ, ທ່ານ ຈູງອກແອັງ, ປະທານຄະນະກຳມະການປະຊາຊົນນະຄອນ ຮ່າໂນ້ຍ ຢັ້ງຢືນວ່າ ແຕ່ລະການຕອບສະໜອງ, ການປະກອບສ່ວນຂອງບັນດາອົງການ, ຫົວໜ່ວຍ ແລະ ສ່ວນບຸກຄົນນັ້ນ ບໍ່ພຽງແຕ່ຊ່ວຍໃຫ້ເປັນການເສີມສ້າງແຫຼ່ງກຳລັງເພີ່ມເຕີມໃຫ້ແກ່ນະຄອນ ເພື່ອຜັນຂະຫຍາຍການສັກວັກຊິນໃຫ້ບັນລຸພຸມຄຸ້ມກັນເປັນໝູ່ໂດຍໄວເທົ່ານັ້ນ ຫາກຍັງນຳຊີວິດການເປັນຢູ່ກັບຄືນສູ່ສະພາບເປັນປົກກະຕິໃໝ່.
ຕາມນະຄອນ ຮ່າໂນ້ຍແລ້ວ, ກອງທຶນສັກວັກຊິນ ແລະ ການປ້ອງກັນ, ສະກັດກັ້ນໂລກລະບາດໂຄວິດ - 19 ຂອງນະຄອນ ໄດ້ຮັບເງິນຊ່ວຍເຫຼືອ ປະມານ 75 ລ້ານ USD ແລະ ວັກຊິນຈຳນວນ 2.500.000 ໂດສ.