(ພາບປະກອບ)
( vovworld ) – ຕອນຄ່ຳວັນທີ 22/3, ສູນກາງຊາວໜຸ່ມກອມມູນິດໂຮ່ຈິມິນ, ກອງທຶນໜູນຊ່ວຍຜູ້ມີຄວາມເກັ່ງກ້າສາມາດໜຸ່ມຫວຽດນາມ ໄດ້ຈັດພິທີຍ້ອງຍໍສັນລະເສີນຊາວຫນຸ່ມດີເດັ່ນປີ 2011 ຈຳນວນ 10 ຄົນຢູ່ຫໍວັດທະນະທຳມິດຕະພາບໂຮ່ໂນ້ຍ. ນີ້ແມ່ນ 1 ໃນບັນດາການເຄື່ອນໄຫວຂ່ຳນັບຊົມເຊີຍພິທີລະນຶກ 81 ປີແຫ່ງວັນສ້າງຕັ້ງອົງການຊາວໜຸ່ມກອມມູນິດໂຮ່ຈິມິນ (26/3/1931-26/3/2012). ຕາງໜ້າໃຫ້ລັດຖະບານ, ທ່ານຮອງນາຍົກລັດຖະມົນຕີ Nguyen Thien Nhan ໄດ້ຕີລາຄາສູງການປະກອບສ່ວນ ກໍຄືຄວາມມານະພະຍາຍາມຂອງບັນດາແບບຢ່າງໜຸ່ມດີເດັ່ນຫວຽດນາມ ທີ່ມີຕໍ່ພາລະກິດສ້າງສາ ແລະ ພັດທະນາປະເທດຊາດ. ທ່ານຮອງນາຍົກລັດຖະມົນຕີຖືວ່າ: ຊາວໜຸ່ມທີ່ໄດ້ຮັບລາງວັນແຕ່ລະຄົນ ຄວນສືບຕໍ່ເສີມຂະຫຍາຍຄວາມສາມາດ, ພູມປັນຍາ, ບືນຕົວຂຶ້ນບັນລຸຫຼາຍຜົນງານກ່ວາອີກໃນການຮ່ຳຮຽນ, ອອກແຮງງານ, ຝຶກຝົນຫຼໍ່ຫຼອມ, ປະດິດສ້າງ ແລະ ຄົ້ນຄ້ວາວິທະຍາສາດ, ສ້າງຜົນກະທົບທີ່ດີໃນໝູ່ຊາວໜຸ່ມ, ເຍົາວະຊົນ ແລະ ທົ່ວສັງຄົມ….