ເຫດແຜ່ນດິນໄຫວແຮງທີ່ສຸດມີລະດັບຄວາມແຮງ 5 ຣິກເຕີ ຢູ່ຈຸດພິກັດ 24.19 ອົງສາເສັ້ນຂະໜານເໜືອ, 102.71 ອົງສາເສັ້ນແວງຕາແວັນອອກ, ຈຸດໃຈກາງຂອງແຜ່ນດິນໄຫວມີຄວາມເລິກ 7 ກມ. ຕາມການສະຖິຕິໃນເບື້ອງຕົ້ນ, ເຫດແຜ່ນດິນໄຫວໃນຕອນເຊົ້າວັນທີ 13 ສິງຫາ ໄດ້ເຮັດໃຫ້ 1 ຄົນຮັບບາດເຈັບ ແລະ ເຮືອນຊານ 2 ຫລັງຫັກພັງລົງ. ອົງການປ້ອງກັນຕ້ານໄພທຳມະຊາດ, ແຜ່ນດິນໄຫວແຂວງ ຢວຽນໜານ ກໍ່ໄດ້ປະກາດສະພາວະສຸກເສີນລະດັບ 3 ໂດຍດ່ວນ ແລະ ຈະດຳເນີນການປະຊຸມຂ່າວໃນຕອນເຊົ້າວັນທີ 13 ສິງຫາ ເພື່ອແຈ້ງລາຍລະອຽດກ່ຽວກັບສະພາບການຂອງເຫດແຜ່ນດິນໄຫວຄັ້ງນີ້.