ເຂັ້ມຂົ້ນໄປດ້ວຍສີສັນຂອງຊຸດເສື້ອຍາວ ຫວຽດນາມໃນລາຍການສີສັນລະດູບານໃໝ່ 2022
(VOVWORLD) -ຕອນຄ່ຳວັນທີ 8 ມັງກອນ ຢູ່ Praha, ນະຄອນຫຼວງຂອງສາທາລະນະລັດ ເຊັກໂກ, ໄດ້ດຳເນີນລາຍການສິລະປະສີສັນລະດູບານໃໝ່ 2022, ພາຍໃຕ້ການອຸປະຖຳຂອງ ສະຫະສະມາຄົມ ຊາວ ຫວຽດນາມ ອາໄສຢູ່ ເອີຣົບ, ສະມາຄົມວັດທະນະທຳສິລະປະຢູ່ ເຊັກໂກ ຈັດຂຶ້ນ.
 ການສະແດງຊຸດອາພອນປະຈຳຊາດຂອງບັນດາພັນລະຍາຜູ້ຕາງໜ້າບັນດາເຂດ, ພາກທີ່ມາຈາກບັນດາປະເທດເອີຣົບ |
ຈຸດພົ້ນເດັ່ນໃນລາຍການດັ່ງກ່າວແມ່ນການສະແດງຊຸດອາພອນປະຈຳຊາດຂອງບັນດາພັນລະຍາຜູ້ຕາງໜ້າບັນດາເຂດ, ພາກທີ່ມາຈາກບັນດາປະເທດເອີຣົບ. ນີ້ກໍແມ່ນການເຄື່ອນໄຫວເພື່ອແນໃສ່ຍ້ອງຍໍຊົມເຊີຍຄວາມມີສະເໜ່ຂອງແມ່ຍິງ ຫວຽດນາມ, ຄວາມງາມ ແລະ ຄຸນຄ່າຂອງຊຸດເສື້ອຍາວ ຫວຽດນາມ, ຜ່ານນັ້ນແຜ່ກະຈາຍຄວາມຮັກ ຊຸດເສື້ອຍາວສູ່ພໍ່ແມ່ພີ່ນ້ອງທຸກຄົນ, ພ້ອມທັງປະກອບສ່ວນສ້າງບັນຍາກາດການເຄື່ອນໄຫວສິລະປະທີ່ເປັນເອກະລັກສະເພາະໃນປະຊາຄົມຊາວ ຫວຽດນາມ ອາໄສ ຢູ່ ຕ່າງປະເທດ.
ຫາຍດັງ, ນັກຂ່າວ VOV ປະຈຳ ເຊັກໂກ.