ເຂົ້າຮ່ວມການເຄື່ອນໄຫວຮັກສາສັນຕິພາບສະແດງຄວາມຮັບຜິດຊອບຂອງຫວຽດນາມກັບປະຊາຄົມໂລກ
Nhat Quynh – Huy Hoang, ນັກຂ່າວVOVປະຈຳວໍຊິງຕັນ -
ພົນຕີ ຫວໍວັນຕ໋ວນ
(vovworld) – ຄະນະພະນັກງານຂັ້ນສູງກະຊວງປ້ອງກັນປະເທດ ຫວຽດນາມ ຫາກໍ່ສິ້ນສຸດການຢ້ຽມຢາມ, ເຮັດວຽກຢູ່ອາເມລິກາ, ເພື່ອພິຈາລະນາກ່ຽວກັບການເຄື່ອນໄຫວເຂົ້າຮ່ວມຮັກສາສັນຕິພາບຂອງ ຫວຽດນາມ. ເມື່ອຕອບສຳພາດຕໍ່ນັກຂ່າວ VOV ປະຈຳ ອາເມລິກາ, ພົນຕີ ຫວໍວັນຕ໋ວນ, ຮອງຫົວໜ້າເສນາທິການໃຫຍ່ກອງທັບປະຊາຊົນ ຫວຽດນາມ, ຮອງຫົວໜ້າຄະນະຊີ້ນຳຂອງກະຊວງປ້ອງກັນປະເທດ ກ່ຽວກັບການເຄື່ອນໄຫວຮັກສາສັນຕິພາບຂອງ ຫວຽດນາມ, ໃຫ້ຮູ້ວ່າ: ບັນດາອົງການ ສປຊ ລ້ວນແຕ່ຕີລາຄາສູງ ຫວຽດນາມ ທີ່ໄດ້ກະກຽມຢ່າງຕັ້ງໜ້າ, ລອບຄອບຖີ່ຖ້ວນ ແລະ ເຂັ້ມງວດໃຫ້ແກ່ການເຂົ້າຮ່ວມເຄື່ອນໄຫວຮັກສາສັນຕິພາບຂອງ ສປຊ. ຫວຽດນາມ ກໍ່ກຳນົດນີ້ແມ່ນໜຶ່ງໃນບັນດາກາລະໂອກາດເພື່ອສະແດງຄວາມຮັບຜິດຊອບຂອງ ຫວຽດນາມ ສຳລັບປະຊາຄົມໂລກ, ເຄົາລົບກົດບັດສປຊ, ກົດໝາຍສາກົນ, ພິເສດແມ່ນລັດຖະທຳມະນູນເຊິ່ງ ຫວຽດນາມຫາກໍ່ປັບປຸງໃນປີ 2013 ແລະ ສປຊ ກໍ່ເຊື່ອໝັ້ນວ່າ: ກຳລັງຂອງ ຫວຽດນາມ ຈະປະຕິບັດວຽກງານນີ້ເປັນຢ່າງດີ. ພົນຕີ ຫວໍວັນຕ໋ວນ, ໃຫ້ຮູ້ວ່າ: ໃນການເຮັດວຽກຄັ້ງນີ້, ຄະນະໄດ້ຈົດທະບຽນກັບ ສປຊ ກ່ຽວກັບເລື່ອງຜັນຂະຫຍາຍການເຄື່ອນໄຫວຮັກສາສັນຕິພາບຈຳນວນໜຶ່ງຢ່າງລະອຽດ:
“ພວກເຮົາເຂົ້າຮ່ວມການຮັກສາສະຖຍນລະພາບຢູ່ພາກພື້ນຂາດສະຖຽນລະພາບ, ມີສົງຄາມ, ມີການຜັນແປໄປຢ່າງສັບສົນ ແລະ ເຂົ້າຮ່ວມໜ້າທີ່ມະນຸດສະທຳ... ຫາກພວກເຮົາບໍ່ເຂົ້າຮ່ວມການສູ້ຮົບ… ນີ້ແມ່ນຫຼັກການທີ 2 ສຳຄັນທີ່ສຸດເຊິ່ງກຳລັງຂອງພວກເຮົາເຂົ້າຮ່ວມ. ດັ່ງນັ້ນ, ພວກຂ້າພະເຈົ້າຄາດວ່າບົນມາດຖານຂອງ ສປຊ, ພວກເຮົາຈະສ້າງຕັ້ງໂຮງໝໍຢູ່ກັບທີ່, ກອງຮ້ອຍຊ່າງແສງໜຶ່ງກອງເພື່ອຮອດເວລາໃດບັນລຸໄດ້ມາດຖານຢ່າງພຽງພໍ ແລະ ໄດ້ຮັບການກວດກາ, ຮັບຮອງຈາກ ສປຊ ແລ້ວ ພວກເຮົາຈະສົ່ງກຳລັງນີ້ໄປຍັງເຂດປະຊາຄົມໂລກຕ້ອງການ.”
Nhat Quynh – Huy Hoang, ນັກຂ່າວVOVປະຈຳວໍຊິງຕັນ