ຕັດແຖບພ້າເປີດສະຫຼອງອະນຸສາວະລີ
(ພາບ:baogialai.com.vn)
( vovworld ) – ເນື່ອງໃນໂອກາດ 37 ປີແຫ່ງວັນມູນເຊື້ອກອງພົນໃຫ່ຍ 3 (26/3/1975-26/3/2012), ວັນທີ 26/3, ກອງບັນຊາການກອງພົນໃຫ່ຍ 3 ໄດ້ຈັດພິທີເປີດສະຫຼອງອະນຸສາວະລີນັກຮົບວິລະຊົນ,ກອງພົນໃຫ່ຍ 3 ທີ່ໄດ້ເສຍສະຫຼະຊີວິດຢູ່ສະໜາຮົບ Tay Nguyen . ກິດຈະກຳທັງໝົດໄດ້ຮັບການອອກແບບ ແລະ ກໍ່ສ້າງດ້ວຍຫີນ, ມີມູນຄ່າການກໍ່ສ້າງກ່ວາ 6,3 ຕື້ດົ່ງ ຊື່ງມີຄວາມໝາຍສຳຄັນຕໍ່ພະນັກງານ, ນັກຮົບກອງພົນໃຫ່ຍ 3 ເວົ້າສະເພາະ ແລະ ປະຊາຊົນທ້ອງຖິ່ນເວົ້າລວມ, ເພື່ອແນໃສ່ສະແດງຄວາມຮູ້ບຸນຄຸນຕໍ່ຄຸນງາມຄວາມດີອັນໃຫ່ຍຫຼວງຂອງບັນດານັກຮົບວິລະຊົນທີ່ໄດ້ເສຍສະຫຼະຊີວິດເພື່ອເອກະລາດ ອິດສະຫຼະພາບຂອງປະເທດຊາດ ແລະ ປະຕິບັດພັນທະສາກົນຢູ່ປະເທດລາວ ແລະ ກຳປູເຈຍ. ທ່ານພົນຈັດຕະວາ Nguyen Duc Hai ຜູ້ບັນຊາການກອງພົນໃຫ່ຍ 3 ເວົ້າວ່າ: “ນີ້ແມ່ນກິດຈະກຳເພື່ອສຶກສາອົບຮົມມູນເຊື້ອໃຫ້ພະນັກງານ ນັກຮົບຂອງກອງພົນໃຫ່ຍລຸ້ນຕ່າງໆ, ໃຫ້ແກ່ປະຊາຊົນ, ພິເສດແມ່ນລຸ້ນຊາວໜຸ່ມໃນເຂດ Tay Nguyen. ປຸກລຸກຄວາມເອກອ້າງທະນົງໃຈຂອງຊາດ ແລະ ສ້າງຄຸນນະທາດດ້ານການເມືອງ, ອຸດົມການປະຕິວັດໃຫ້ແກ່ລຸ້ນໜຸ່ມ, ເພື່ອປະຕິບັດໜ້າທີ່ການເມືອງ ໃນໜ້າທີ່ສ້າງສາ ແລະ ພັດທະນາປະເທດຊາດເວົ້າລວມ, ພິເສດແມ່ນການປົກປັກຮັກສາຄວາມມີສະຖຽນລະພາບໃນເຂດ Tay Nguyen ໃຫ້ໝັ້ນຄົງໜັກແໜ້ນ“