ເປັນຄັ້ງທຳອິດທົ່ວໂລກ ມີ ຈຳນວນຊາວອົບພະຍົບຍ້ອນການໃຊ້ຄວາມຮຸນແຮງ ລື່ນກາຍຕົວເລກ 100 ລ້ານຄົນ
(VOVWORLD) - ວັນທີ 23 ພຶດສະພາ, ສຳນັກງານຂ້າຫຼວງໃຫຍ່ຜູ້ອົບພະຍົບ ແຫ່ງ ສປຊ (UNHCR) ໃຫ້ຮູ້ວ່າ ການປະທະກັນຢູ່ Ukraine ແລະ ການປະທະກັນຕ່າງໆໃນທົ່ວໂລກ ໄດ້ເຮັດໃຫ້ຈຳນວນຜູ້ຕ້ອງປະທະເຮືອນຊານໄປອົບພະຍົບ ໃນທົ່ວໂລກເປັນຄັ້ງທຳອິດລື່ນກາຍຕົວເລກ 100 ລ້ານຄົນ.
 ພາບປະກອບ: TTXVN |
ຕາມ UNHCR, ໄລ່ຮອດທ້າຍປີ 2021, ໄດ້ມີຊາວອົບພະຍົບ ປະມານ 90 ລ້ານຄົນຍ້ອນສະພາບການປະທະກັນຢູ່ Ethiopia, Burkina Faso, Myanmar, Nigeria, Afghanistan ແລະ ສາທາລະນະລັດປະຊາທິປະໄຕ Congo. ນອກຈາກນັ້ນ, ການປະທະນກັນຢູ່ Ukraine ໄດ້ເກີດຂຶ້ນນັບແຕ່ທ້າຍເດືອນ ກຸມພາ ປີ 2022 ມາຮອດປັດຈຸບັນ ໄດ້ເຮັດໃຫ້ມີປະຊາຊົນ ກ່ວາ 8 ລ້ານຄົນຕ້ອງອົບພະຍົບ ພາຍໃນປະເທດ, ໃນຂະນະນັ້ນມີ ຊາວອົບພະຍົບ 6 ລ້ານໄປຍັງຕ່າງປະເທດ.
ທ່ານ Filippo Grandi ຜູ້ນຳໜ້າ UNHCR ເນັ້ນໜັກວ່າປະຊາຄົມສາກົນ ໄດ້ຕັ້ງໜ້າໜູນຊ່ວຍຜູ້ຕ້ອງອົບພະຍົບ ຍ້ອນການປະທະກັນຢູ່ຢູແກຼນ ແລະ ຫວັງວ່າ ສິ່ງນີ້ ຈະໄດ້ນຳໃຊ້ຕໍ່ທຸກການປະທະກັນໃນທົ່ວໂລກ. ເຖິງຢ່າງໃດກໍ່ຕາມ, ທ່ານ ຖືວ່າ ການໜູນຊ່ວຍດ້ານມະນຸດສະທຳ ພຽງແຕ່ຊ່ວຍຫຼຸດຜ່ອນຜົນຕາມມາ, ບໍ່ແມ່ນມາດຕະການແກ້ໄຂ. ດັ່ງນັ້ນມີພຽງແຕ່ວິທີແກ້ໄຂອັນໜຶ່ງດຽວນັ້ນແມ່ນສ້າງສັນຕິພາບ ແລະ ສະຖຽນລະພາບ.