ພະນັກງານ, ນັກຮົບປ້ອມປ້ອງກັນຊາຍແດນ ອາປາຈາຍ
(ພາບ: Trọng Đức/TTXVN)
|
(vovworld) – ຕອນເຊົ້າວັນທີ 27/2, ຢູ່ຮ່າໂນ້ຍ, ຄະນະຕິດຕາມກວດກາຂອງຄະນະປະຈຳສະພາແຫ່ງຊາດ ໄດ້ມີການເຮັດວຽກ ກັບລັດຖະບານ ແລະ ບັນດາກະຊວງ, ຂະແໜງການ ກ່ຽວກັບ“ການປະຕິບັດນະໂຍບາຍ, ກົດໝາຍໃນການປະສານສົມທົບພັດທະນາເສດຖະກິດຕິດພັນກັບການຮັບປະກັນການປ້ອງກັນຊາດ, ປ້ອງກັນຄວາມສະຫງົບໃນບໍລິເວນຍຸດທະສາດ” (ຈຸດສຸມແມ່ນບັນດາບໍລິເວນເຂດໄຕບັກ, ເຂດໄຕງວຽນ ແລະ ເຂດທິດຕາເວນຕົກພາກໃຕ້).
ຕາມການຕີລາຄາຂອງຄະນະຕິດຕາມກວດກາຂອງຄະນະປະຈຳສະພາແຫ່ງຊາດແລ້ວ, ການກໍ່ສ້າງກົນໄກໃນບໍລິເວນຍຸດທະສາດ ເພື່ອປະຕິບັດການປະສານສົມທົບກັນ ລະຫວ່າງການກໍ່ສ້າງເສດຖະກິດ-ສັງຄົມ ກັບການປັບປຸງກຳລັງບົ່ມຊ້ອນການປ້ອງກັນຊາດ, ປ້ອງກັນຄວາມສະຫງົບໄດ້ຮັບການປະຕິບັດເປັນຢ່າງດີໃນໄລຍະຜ່ານມາ. ໃນໄລຍະຈະມາເຖິງ, ຄຽງຂ້າງຍູ້ແຮງການເຄື່ອນໄຫວການຕິດຕາມກວດກາ, ຄວນສະເໜີບັນດາມາດຕະການ ເພື່ອຍົກສູງປະສິດທິຜົນການປະຕິບັດນະໂຍບາຍ, ກົດໝາຍ ກ່ຽວກັບການ ປະສານສົມທົບພັດທະນາເສດຖະກິດຕິດພັນກັບການຮັບປະກັນການປ້ອງກັນຊາດ, ປ້ອງກັນຄວາມສະຫງົບໃນບໍລິເວນຍຸດທະສາດໃນຂອບເຂດທົ່ວປະເທດ. ທ່ານ ຫງວຽນກີມຄວາ, ຫົວໜ້າກຳມາທິການປ້ອງກັນຊາດ ແລະ ປ້ອງກັນຄວາມສະຫງົບ, ຫົວໜ້າຄະນະຕິດຕາມກວດກາ ໃຫ້ຮູ້ວ່າ:
ນີ້ແມ່ນເນື້ອໃນກ້ວາງຂວາງທີ່ສຸດ, ຕ້ອງປະສານສົມທົບກັນໃນບໍລິເວນທົ່ວປະເທດ. ພວກເຮົາຈະເຂົ້າສູ່ບັນດາຈຸດສຸມໃນບັນດາເນື້ອໃນການຕິດຕາມກວດ ກາ. ຈຸດສຸມແມ່ນເຂດໄຕບັກ, ເຂດໄຕງວຽນ ແລະ ເຂດທິດຕາເວນຕົກພາກໃຕ້ ໃນນັ້ນ, ມີຫຼາຍຂະແໜງຢູ່ຫຼາຍຂົງເຂດທີ່ຕ່າງກັນ, ພິເສດແມ່ນບັນດາຂະແໜງການທີ່ສຳຄັນ, ມີປັດໄຈທີ່ຮີບດ່ວນໃນໄລຍະປະຈຸບັນ ແຕ່ຍັງຄົງຮັບປະກັນຍຸດທະສາດໄລຍະຍາວໃນຊຸມປີຈະມາເຖິງ.