ການທາບທາມຄຳເຫັນການເມືອງຂັ້ນຮອງລັດຖະມົນຕີການຕ່າງປະເທດ
ລະຫວ່າງ ຫວຽດນາມ ແລະ ອີຕາລີ
ພາບ:TTXVN |
(vovworld) - ອີຕາລີ ສືບຕໍ່ຖື ຫວຽດນາມ ແມ່ນປະເທດໃຫ້ບຸລິມະສິດໃນນະໂຍບາຍການຮ່ວມມືພັດທະນາ”. ນີ້ແມ່ນຄຳຢືນຢັນຂອງທ່ານ Staffan De Mistura ຮອງລັດຖະມົນຕີການຕ່າງປະເທດ ອີຕາລີ ໃນການທາບທາມຄຳເຫັນການເມືອງກັບທ່ານ Bui Thanh Son ຮອງລັດຖະມົນຕີການຕ່າງປະເທດ ຫວຽດນາມ ພວມຢ້ຽມຢາມ ແລະ ເຮັດວຽກຢູ່ ອີຕາລີ ແຕ່ວັນທີ 12 - 18/9. ທີ່ການທາບທາມຄຳເຫັນ, ສອງຝ່າຍມີຄວາມພຶງພໍໃຈກ່ຽວກັບການພົວພັນມິດຕະພາບ ແລະ ການຮ່ວມມືຫລາຍດ້ານລະຫວ່າງສອງປະເທດພັດທະນາຢ່າງເລິກເຊິ່ງ, ກວ້າງຂວາງ ແລະ ຕັ້ງຫນ້າໃນທຸກຂົງເຂດ, ພິເສດກ່ຽວກັບດ້ານການເມືອງ, ການທູດ, ເສດຖະກິດ, ການຮ່ວມມືພັດທະນາ, ວັດທະນະທຳ ແລະ ການສຶກສາບຳລຸງສ້າງ. ໃນສະພາວະສອງປະເທດກະກຽມສະເຫລີມສະຫລອງ 40 ປີແຫ່ງວັນສ້າງຕັ້ງສາຍພົວພັນທາງການທູດໃນປີ 2013, ຫວຽດນາມ ແລະ ອີຕາລີ ເຫັນດີຮັກສາການແລກປ່ຽນຄະນະຜູ້ແທນຂັ້ນສູງ, ສືບຕໍ່ຮ່ວມມືຢ່າງແຫນ້ນແຟ້ນໃນບັນດາເວທີປາໄສສາກົນ ແລະ ຫລາຍຝ່າຍ, ເພີ່ມທະວີການຮ່ວມມືລະຫວ່າງເຂດ, ທ້ອງຖິ່ນຂອງສອງປະເທດ, ສ້າງເງື່ອນໄຂໃຫ້ແກ່ປະຊາຄົມວິສາຫະກິດສອງປະເທດເຊື່ອມຕໍ່ຄູ່ຮ່ວມມື, ຊອກຫາກາລະໂອກາດດຳເນີນທຸລະກິດ, ລົງທຶນໃນບັນດາຂົງເຂດຄື: ຄົມມະນາຄົມ, ພະລັງງານ, ອຸດສາຫະກຳຜະລິດ, ນ້ຳ ແລະ ສິ່ງແວດລ້ອມ. ຝ່າຍ ອີຕາລີ ຢືນຢັນ ຍາມໃດກໍຖືການພົວພັນກັບຫວຽດນາມ ເປັນສຳຄັນ ແລະ ຈະມານະພະຍາຍາມຊຸກຍູ້ການຮ່ວມມືຕ່າງຝ່າຍຕ່າງມີຜົນປະໂຫຍດ ແລະ ໝັ້ນໝາຍສືບຕໍ່ຫນູນຊ່ວຍທຶນ ODA ໃຫ້ແກ່ ຫວຽດນາມ ໃນໄລຍະ 2013 - 2015.