ທ່ານຮອງນາຍົກລັດຖະມົນຕີ ສປປ ລາວ
ສົມສະຫວາດ ເລັ່ງສະຫວັດ
ພາບ:internet
|
(vovworld) - ເມື່ອຕອບສຳພາດຕໍ່ນັກຂ່າວວິທະຍຸກະຈາຍວຽງ ຫວຽດນາມ ກ່ຽວກັບສະພາບການລົງທຶນຂອງບັນດາວິສາຫະກິດ ຫວຽດນາມ ຢູ່ ລາວ, ເນື່ອງໃນໂອກາດປີແຫ່ງຄວາມສາມັກຄີມິດຕະພາບ ຫວຽດນາມ - ລາວ, ທ່ານ ສົມສະຫວາດ ເລ່ັງສະຫວັດ ກຳມະການກົມການເມືອງ, ຮອງນາຍົກລັດຖະມົນຕີ ຜູ້ປະຈຳລັດຖະບານ ລາວ, ປະທານ ຄະນະກຳມະການຮ່ວມມື ລາວ ຫວຽດນາມ ໃຫ້ຮູ້ວ່າ: ການພົວພັນຮ່ວມມືດ້ານເສດຖະກິດລະຫວ່າງ 2 ປະເທດໃນປີນີ້ແມ່ນດີກວ່າປີກາຍ. ລະອຽດຄື: ວົງເງິນການຄ້າປີກາຍບັນລຸກວ່າ 400 ລ້ານ USD, ປີນີ້ບັນລຸກວ່າ 500 ລ້ານ USD. ກ່ຽວກັບຂົງເຂດການລົງທຶນ, ວິສາຫະກິດ ຫວຽດນາມ ລົງທຶນເຂົ້າລາວນັບແຕ່ປີ 2008 ມາຮອດປະຈຸບັນນັບມື້ນັບເພີ່ມຂຶ້ນ. ຫວຽດນາມ ແມ່ນຫນຶ່ງໃນ 3 ປະເທດນຳຫນ້າກ່ຽວກັບການລົງທຶນຂອງຕ່າງປະເທດ ຢູ່ລາວ ແລະ ສ່ວນຫລາຍແມ່ນຂົງເຂດໄຟຟ້າ, ປູກຕົ້ນຢາງພາລາ. ທ່ານຮອງນາຍົກລັດຖະມົນຕີ ລາວ ສົມສະຫວາດ ເລັ່ງສະຫວັດ ກໍສະແດງຄວາມປາດຖະຫນາຢາກບັນດາວິສາຫະກິດ ຫວຽດນາມ ສືບຕໍ່ ເປີດກວ້າງຂົງເຂດການລົງທຶນເຂົ້າລາວ ໃນອະນາຄົດ.
“ຂ້າພະເຈົ້າປາດຖະຫນາວ່າ ບັນດາວິສາຫະກິດ ຫວຽດນາມ ມາລາວ ເພື່ອປູກຜັກປອດສານພິດເພື່ອສົ່ງອອກ. ປະຈຸບັນ ປະຊາຊົນລາວພວມປູກສາລີ, ມັນຕົ້ນ, ສ່ວຍຫລາຍແມ່ນສົ່ງອອກວັດຖຸດິບ ແລະ ຢາກເພີ່ມຄຸນຄ່າຂອງມັນຕ້ອງມີໂຮງງານປຸ້ງແຕ່ງ. ໄມ້ກໍຄືແນວນັ້ນ, ພວກຂ້າພະເຈົ້າຢາກເຊີນບັນດາວິສາຫະກິດ ຫວຽດນາມ ມາລາວເພື່ອສ້າງໂຮງງານປຸ້ງແຕ່ງໄມ້ສຳເລັດຮູບ. ຂົງເຂດສາທາລະນະສຸກກໍຕ້ອງການການລົງທຶນ, ໄປຄຽງຄູ່ກັນນັ້ນ ໃນຂົງເຂດການສຶກສາ, ພວກຂ້າພະເຈົ້າສົ່ງເສີມບັນດາວິສາຫະກິດ ຫວຽດນາມ ມາລົງທຶນກໍ່ສ້າງໂຮງຮຽນຢູ່ລາວ, ພິເສດ ໂຮງຮຽນເຕັກນິກເທັກໂນໂລຊີສູງ.”
Quoc Khanh ນັກຂ່າວ VOV ປະຈຳ ສປປ ລາວ